მიხეილ ყაველაშვილმა ხელი მოაწერა ცვლილებებს „ადმინისტრაციულ სამართალდარღვევათა კოდექსში“ და „საქართველოს სისხლის სამართლის კოდექსში“, რომლითაც შეკრება-მანიფესტაციებთან დაკავშირებული წესები და სამართლებრივი პასუხისმგებლობები მკაცრდება.

ხელმოწერილი დოკუმენტი უკვე გამოქვეყნებულია საკანონმდებლო მაცნეზე და 16 ოქტომბრის თარიღით, რაც ნიშნავს, რომ კანონები გამოქვეყნებისთანავე შევიდა ძალაში.

შეგახსენებთ, დღეს პარლამენტმა აღნიშნული პაკეტი დაჩქარებული წესით განიხილა და 80 ხმით დაამტკიცა.

ცვლილებების თანახმად, შეკრების ან მანიფესტაციის მონაწილე, რომელიც სახეს ნიღბით ფარავს, ფლობს ცრემლსადენ ან მომწამვლელ ნივთიერებას, გზას კეტავს ან დროებით კონსტრუქციას ამონტაჟებს, პირველივე შემთხვევაში დაექვემდებარება ადმინისტრაციულ პატიმრობას 15 დღემდე ვადით. თუ მსგავსი ქმედება აქციის ორგანიზატორს ეკუთვნის — პატიმრობის ვადა 20 დღემდე გაიზრდება.

იმგვარ შეკრებაში მონაწილეობა, რომლის შეწყვეტასაც შინაგან საქმეთა სამინისტრო მოითხოვს, გამოიწვევს ადმინისტრაციულ პატიმრობას 60 დღემდე ვადით. იგივე ვადა იმოქმედებს იმ შემთხვევაშიც, თუ მონაწილე იარაღს, პიროტექნიკას ან სხვა საშიშ საგანს იქონიებს.

სისხლის სამართლის კოდექსში დამატებული ცვლილებების თანახმად, მსგავსი ქმედებების განმეორებით ჩადენა გამოიწვევს სისხლის სამართლის პასუხისმგებლობას ერთ წლამდე ვადით, ხოლო მესამე და ყოველი შემდგომი შემთხვევა — ორ წლამდე ვადით.

კოდექსს დაემატა ახალი მუხლიც, რომელიც სისხლის სამართლის პასუხისმგებლობას აწესებს იმ პირთათვის, ვინც მესამედ მიაყენებს შეურაცხყოფას სამართალდამცველს ან არ დაემორჩილება მის კანონიერ მოთხოვნას.

კანონი ასევე გავრცელდება არასრულწლოვანებზე: შეკრება-მანიფესტაციასთან დაკავშირებული წესების დარღვევა მათთვის ითვალისწინებს ჯარიმას, ერთწლამდე გამასწორებელ სამუშაოებს ან თავისუფლების აღკვეთას ერთ წლამდე ვადით.

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად