ჩორჩანის საკითხთან დაკავშირებით გენერალურ პროკურატურაში შიდა ქართლის ყოფილი გუბერნატორი, გიორგი ხოჯევანიშვილი გამოიკითხა.

როგორც ხოჯევანიშვილმა პროკურატურიდან გამოსვლის შემდეგ ჟურნალისტებს განუცხადა, გამოძიების კითხვებს, თავისი კომპეტენციის ფარგლებში, ამომწურავად უპასუხა.

„საუბარი შეეხო ძირითადად ჩორჩანის ირგვლივ საკითხებს, ეს იყო ბორდერიზაციის სიმძაფრე. რა თქმა უნდა, ბორდერიზაცია და ოკუპაციის თანმდევი ძალიან მძიმე პროცესები იყო იმ რეგიონში, რომელიც იმ პერიოდისთვის ჩემი კომპეტენციის სფეროს მიეკუთვნებოდა, საუბარი ეხება შიდა ქართლის რეგიონს. ეს არის ის საკითხი, რომელიც იმ დროსაც და დღესაც ჩვენი რეგიონისთვისაც და მთლიანად ჩვენი ქვეყნისთვის ნომერ პირველი პრიორიტეტული და ყველაზე მტკივნეული საკითხია. ასევე იყო სხვადასხვა საკითხი და სხვადასხვა კითხვა, ყველა კითხვაზე ამომწურავი პასუხი გავეცი. ჩემი შემხებლობა ამ პროცესთან იყო მხოლოდ ჩემი კომპეტენციის ფარგლებში, სხვა დეტალებზე ახლა ვერ ვისაუბრებ“, – აღნიშნა გიორგი ხოჯევანიშვილმა.

ხოჯევანიშვილის განმარტებით, არ ჰქონდა ინფორმაცია ძალოვანი უწყებების ოპერატიულ-ტაქტიკურ გადაწყვეტილებებთან დაკავშირებით და თავისი კომპეტენციის ფარგლებში ეს არც უნდა სცოდნოდა.

„ჩემთვის უცნობია, ვის ვისთან ჰქონდა ამ საკითხთან დაკავშირებით ინფორმაცია“, – აღნიშნა გიორგი ხოჯევანიშვილმა.

საქართველოს პროკურატურამ 2019 წლის 24 აგვისტოს სოფელ ჩორჩანასთან საოკუპაციო ხაზის გასწვრივ საგუშაგოს გახსნის საქმეზე გამოძიება დაიწყო.

ავტორი: ექსპრესნიუსი,

სოციალური ქსელები

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს

ბათუმში, ტრადიციულად წვიმის შედეგად ქუჩები დაიტბორა

მიხეილ სარჯველაძე აცხადებს, რომ ინტოქსიკაციის ნიშნებით, 100-ზე მეტი ბავშვის ჰოსპიტალიზება გახდა აუცილებელი