2025-05-27 07:51:10, 852 ნახვა
პოლიტიკა
ბათუმში აქციაზე ლუკა ნაცვლიშვილი დააკავეს
26 მაისს, ღამით, ბათუმში, საკონსტიტუციო სასამართლოსთან მიმდინარე საპროტესტო აქციაზე პოლიციამ სტუდენტი ლუკა ნაცვლიშვილი დააკავა.
მისი დაკავების ვიდეოკადრები აქციაზე მყოფმა მოქალაქემ გადაიღო. „რის გამო მაკავებთ?“ – კადრებში ჩანს, როგორ ეკითხება დაკავებისას ლუკა ნაცვლიშვილი პოლიციელებს, თუმცა იგი პასუხს ვერ იღებს, ისე აიძულებენ პოლიციის მანქანაში ჩაჯდომას.
შსს-ს ცნობით, ლუკა ნაცვლიშვილი დაკავებულია ადმინისტრაციულ სამართალდარღვევათა კოდექსის 173 [პოლიციისადმი დაუმორჩილებლობა] და 166-ე [წვრილმანი ხულიგნობა] მუხლებით.
ავტორი: ექსპრესნიუსი,
epn.ge (@expressnews.ge)
