ლევან ხაბეიშვილი ცდილობს თავი გამოიჩინოს, სხვაზე უფრო ბრუტალური გახდეს - კრივში მისი მეცადინეობის დემონსტრირებაც მისი იმიჯის შექმნას ემსახურება, რომ „ნაცმოძრაობის“ ერთ-ერთი ლიდერი სწორედ ის არის, ვინც რევოლუციის გზაზე გაუყვება ახალგაზრდობას, - ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებთან განაცხადა, რითაც შეაფასა „ნაციონალური მოძრაობის“ ერთ-ერთი ლიდერის, ლევან ხაბეიშვილის განცხადება, რომ „დედაქალაქში გენერალური ბრძოლებისთვის ვართ მოსამზადებელი“.

მისი თქმით, ლევან ხაბეიშვილი ერთ-ერთი ნაწილია იმ პროპაგანდისტული შემოძახებების, რომელიც შინაარსობრივად ოპონენტების იდეას, ხასიათს, მათ პარტიულ გეგმებს ახასიათებს.

„ლევან ხაბეიშვილი ცდილობს თავი გამოიჩინოს, სხვაზე უფრო ბრუტალური გახდეს და აი, ამ ფიზკულტურის გაკვეთილების დემონსტრირებაც, კრივში მისი მეცადინეობის დემონსტრირებაც მისი იმიჯის შექმნას ემსახურება, რომ „ნაცმოძრაობის“ ერთ-ერთი ლიდერი სწორედ ის არის, ვინც რევოლუციის გზაზე გაუყვება ახალგაზრდობას. ეს პირველი შემთხვევა არ არის ასეთ განცხადებებს რომ აკეთებს. ეს არ არის ლევან ხაბეიშვილის შემთხვევა მხოლოდ, ვინაიდან იგი შეიძლება რაღაც გარკვეულ თემებში ჩამორჩება პოპულარობით თავის თანამოაზრეებს, მაგრამ აი, ამითი თავის გამოჩენა მისთვის არის გარკვეული პიროვნული ინტერესი და პიროვნული მიზანი. მაგრამ ლევან ხაბეიშვილის განცხადებებით ხომ არ შევაფასებთ ვითარებას, არა?! მთლიანობაში, ეს არის მოწოდებები არა მარტო მისგან, არამედ „კოლექტიური ნაცმოძრაობის“ წარმომადგენლებისაგან ახალგაზრდებისადმი. მათი მხარდაჭერებიც ვიხილეთ თბილისში მიტინგებზე, როდესაც პირდაპირ, ყოველგვარი ორაზროვნების გარეშე, მოუწოდებდნენ იმისაკენ, რომ თბილისში მოეწყოთ იგივე, რაც უკრაინაში მოხდა, ანუ მოხდეს „მეიდანიზაცია“ აი, ამ რევოლუციური პროცესების. ასე რომ, ლევან ხაბეიშვილი ერთ-ერთი ნაწილია აი, ამ პროპაგანდისტული შემოძახებების, რომელიც ახასიათებს შინაარსობრივად თვითონ ოპონენტების იდეას, ხასიათს, მათ პარტიულ გეგმებს და ა.შ.“ - განაცხადა ვოლსკიმ.

ცნობისთვის, ლევან ხაბეიშვილმა „ტვ პირველის“ ეთერში განაცხადა, რომ პროტესტი უმნიშვნელოვანესია და წინააღმდეგობაა გასაწევი, მათ შორის, დედაქალაქის გარდა სხვა ქალაქებშიც.

„დედაქალაქში გენერალური ბრძოლებისთვის ვართ მოსამზადებელი. სიტყვა ბრძოლა ნიშნავს სიტყვა ბრძოლას. ვნახეთ ყველაფერი - ამათთან ასე არ გამოვა,“ - განაცხადა ხაბეიშვილმა.

ავტორი: ექსპრესნიუსი,

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა