ვინც ბედავს და ამბობს, რომ საქართველოში რაღაც რეპრესიები მიდის, უყუროს კომისიის სხდომებს - [ჩხრეკისას] ფიზიკურად რამე შემხებლობა მოხდა?! [ბავშვის] რეაქცია რას ნიშნავს?! სახლში ბავშვიც შეიძლება იყოს და ფეხმძიმე ქალბატონიც, - ამის შესახებ „ხალხის ძალის“ დეპუტატმა, გურამ მაჭარაშვილმა განაცხადა, რითაც ფონდების ხელმძღვანელებისა და სამოქალაქო აქტივისტების სახლებში ჩატარებულ ჩხრეკას გამოეხმაურა.

მისი თქმით, ფონდების ხელმძღვანელებმა თავად აღიარეს, რომ ისინი ძალადობრივ აქციებს აფინანსებდნენ და ბუნებრივია, „ჩხრეკაც მოხდება და კანონით გათვალისწინებული [სხვა] პროცესებიც“.

„ვინც იმას ბედავს და ამბობს, რომ საქართველოში რაღაცა რეპრესიები მიდის და ა.შ., უყუროს კომისიის სხდომებს. ნახავს, რა არის რეპრესიები, კანონის დარღვევა, ადამიანის უფლებების დარღვევა, სიცოცხლის მოსპობა, დაზიანება. რაც შეეხება ე.წ. ფონების დამფუძნებლებს - ამ ფონდების ხელმძღვანელებმა თავად აღიარეს, რომ დიახ, ისინი აფინანსებდნენ ძალადობრივ აქციებს. უწყებებს საჯაროდ აღიარებული ასეთი მტკიცებულებები აქვთ და რა თქმა უნდა, ჩხრეკაც მოხდება და კანონით გათვალისწინებული პროცესები. ვინმეს შეუვარდნენ და ფიზიკური ძალადობა იყო?! რა მოხდა?! ფიზიკური იძულება იყო?! [ბავშვის] რეაქცია რას ნიშნავს?! სახლში ბავშვიც შეიძლება იყოს და ფეხმძიმე ქალბატონიც მაგრამ... დღეს მოუსმინეთ კომისიის სხდომას თქვენ?! სიმართლეს გაუსწორეთ თვალები. [წინა ხელისუფლების დროს] ადამიანებთან შედიოდნენ, აბსოლუტურად ყოველგვარი დასაბუთების გარეშე და ფიზიკურ განადგურებაზე იყო საუბარი, ფსიქოლოგიურზე აღარ ვსაუბრობ. ეს ადამიანები, რასაც ჰყვებიან, იმასთან დაკავშირებით რეაქცია რატომ არ გაქვთ?! ელემენტარულად, რაღაცა ადამიანობა ხომ არსებობს?!," - განაცხადა მაჭარაშვილმა.

ცნობისთვის, 29 აპრილს, პროკურატურის თანამშრომლებმა თბილისის საქალაქო სასამართლოს მიერ გაცემული განჩინების საფუძველზე ფონდების ხელმძღვანელი პირების - ნანუკა ჟორჟოლიანის, ალეკო ცქიტიშვილის, ლაშა არველაძის, გუგა ხელაიას და მარიამ ბაჯელიძის საცხოვრებელი სახლები გაჩხრიკეს.

პროკურატურის განმარტებით, საქმე ეხება საბოტაჟის, დამამძიმებელ გარემოებაში საბოტაჟის მცდელობის, უცხოეთის ორგანიზაციისათვის და უცხოეთის კონტროლს დაქვემდებარებული ორგანიზაციისათვის მტრულ საქმიანობაში დახმარების, საქართველოს კონსტიტუციური წყობილების და ეროვნული უშიშროების საფუძვლების წინააღმდეგ მიმართული საქმიანობისთვის ფინანსების მობილიზების ფაქტებზე მიმდინარე გამოძიება.

ავტორი: ექსპრესნიუსი,

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა