ჩვენს დელეგაციაში ერთი ადგილი თვალსაჩინოდ ცარიელი რჩება, ადგილი, რომელიც საქართველოს მესამე პრეზიდენტს, მიხეილ სააკაშვილს ეკუთვნის, ადამიანს, რომელიც 2008 წელს პუტინს დაუპირისპირდა, საქართველოს სუვერენიტეტი არ დათმო და ამ გამბედაობისთვის ის მეოთხე წელს ატარებს პოლიტიკურ პატიმრობაში, - ამის შესახებ „ერთიანობა ნაციონალური მოძრაობის“ თავმჯდომარემ, თინა ბოკუჩავამ ევროპის სახალხო პარტიის კონგრესზე (EPP) სიტყვით გამოსვლისას განაცხადა.

ბოკუჩავამ საქართველოში მიმდინარე მოვლენებზე ისაუბრა და აღნიშნა, რომ ქართველებმა გამძლეობა და გამბედაობა გამოავლინეს „კრემლის მიერ ორგანიზებული ტერორის წინააღმდეგ და საერთო ევროპული მომავლისკენ სწრაფვაში“. მისივე თქმით, ევროპა ერთიანად უნდა იდგეს საერთო მტრის წინააღმდეგ.

„მინდა მადლობა გადავუხადო პრეზიდენტ ვებერს და თქვენ, ყველას თქვენი ლიდერობისთვის იმ ფუნდამენტური ღირებულებების დაცვაში, რომლებიც გვაკავშირებს და რომლებიც მთელ ევროპაში გამოცდას გადის. მაშინ, როდესაც პუტინი უკრაინის წინააღმდეგ სასტიკ აგრესიულ ომს აწარმოებს, ის ჰიბრიდულ ომს ახორციელებს საქართველოს წინააღმდეგ, ქვეყნის წინააღმდეგ, რომელსაც სიამაყითა და პატივით წარმოვადგენ თქვენ წინაშე.

თუმცა, ჩვენს დელეგაციაში ერთი ადგილი თვალსაჩინოდ ცარიელი რჩება, ადგილი, რომელიც საქართველოს მესამე პრეზიდენტს, მიხეილ სააკაშვილს ეკუთვნის, ადამიანს, რომელიც თქვენს წინაშე იდგა და პუტინს დაუპირისპირდა 2008 წელს, საქართველოში რუსეთის შეჭრის დროს და ევროპას პუტინის იმპერიალისტური განზრახვების შესახებ აფრთხილებდა დიდი ხნით ადრე, ვიდრე რუსული ტანკები უკრაინაში შეიჭრებოდნენ. ამ გამბედაობისთვის ის მეოთხე წელს ატარებს პოლიტიკურ პატიმრობაში, რუსეთის მხარდაჭერით მოქმედი რეჟიმის პირობებში.

ბიძინა ივანიშვილმა გაანადგურა ჩვენი ევროკავშირის კანდიდატობის მიღწევა, მისმა მარიონეტულმა პრემიერ-მინისტრმა გამოაცხადა საქართველოს ევროპული ინტეგრაციის შეჩერება გაყალბებული არჩევნების შემდეგ, რომელიც ფართოდ იქნა აღიარებული, როგორც რუსეთის სპეცოპერაცია ქართველი ხალხის წინააღმდეგ.

ამ განცხადებამ მთელი ქვეყნის მასშტაბით საპროტესტო აქციები გამოიწვია. რეჟიმმა სასტიკი ძალადობითა და რეპრესიებით უპასუხა, რის შედეგადაც 500-ზე მეტი ადამიანი დააკავეს. 50-ზე მეტი ადამიანი კვლავ პოლიტიკურ პატიმრობაში რჩება. რეჟიმი დაკავებულებს სისტემატურად არასათანადოდ ეპყრობოდა და აწამებდა, მიიღო დრაკონული კანონები, რომლებითაც გადაჭარბებულ ჯარიმებს აწესებს და დღესაც კი შეიჭრა აქტივისტების კერძო სახლებში შიშის დათესვისა და განსხვავებული აზრის გაჩუმების მიზნით.

და მაინც, ევროპის გული კვლავ ფეთქავს თბილისში, რადგან პროტესტი შეუჩერებლად გრძელდება 153 დღის განმავლობაში. ჩვენ, ქართველებმა, გამოვავლინეთ გამძლეობა და გამბედაობა კრემლის მიერ ორგანიზებული ტერორის წინააღმდეგ და ჩვენი საერთო ევროპული მომავლისკენ სწრაფვაში. თუმცა, ევროპა ერთიანად უნდა იდგეს ჩვენი საერთო მტრის წინააღმდეგ, რადგან მხოლოდ გადამწყვეტი ქმედებებით შეიძლება იმ ადამიანის შეჩერება, რომელმაც ომი დააბრუნა ევროპის კონტინენტზე.

საქართველოს კონტექსტში, მოქმედება სანქციებს ნიშნავს. ინდივიდუალური, მიზანმიმართული სანქციები ივანიშვილისა და კრემლის მიერ მხარდაჭერილი მისი მეგობრების წინააღმდეგ. პუტინისტური რეჟიმები თვითკმაყოფილებით ხარობენ. ისინი დაყოფით იკვებებიან. ამიტომ, ევროპამ ერთიანობითა და გადამწყვეტი მოქმედებით უნდა იხელმძღვანელოს. ევროპა უნდა იყოს ლიდერი, ევროპა იქნება ლიდერი და ევროპის სახალხო პარტია კიდევ ერთხელ შეასრულებს თავის საქმეს ერთიანი, თავისუფალი და მშვიდობიანი ევროპისთვის“, - განაცხადა თინა ბოკუჩავამ.

აღნიშნულ ინფორმაციას „ერთიანობა - ნაციონალური მოძრაობა“ ავრცელებს.

ავტორი: ექსპრესნიუსი,

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა