არსებობს მზაობა, რომ სამხრეთ კავკასიის ქვეყნები ვიყოთ მობილიზებული და მოტივირებული, რათა ამ რეგიონში იყოს გრძელვადიანი მშვიდობა და სტაბილური განვითარება, – ამის შესახებ მიხეილ ყაველაშვილმა სომხეთში ვიზიტისას განაცხადა.

ყაველაშვილის თქმით, რეგიონს სჭირდება სტაბილურობა, მშვიდობა და ეკონომიკური განვითარება.

„დავასრულე შეხვედრები სომხეთში, ჩემთვის პრეზიდენტის რანგში პირველი ვიზიტი იყო სომხეთის რესპუბლიკაში. მქონდა შეხვედრა ჩემს კოლეგასთან, პრეზიდენტთან, პრემიერთან, ვიმყოფებოდი ეჩმიაძინში, მის უწმინდესს შევხვდი და დავათვალიერე ფარაჯანოვის სახლ-მუზეუმიც. ძალიან მნიშვნელოვანი შეხვედრა იყო პრეზიდენტთან. ჩვენ გვქონდა საუბარი სხვადასხვა დეტალზე. მინდა, საზოგადოებასაც მივმართო, რომ არსებობს მზაობა იმისა, რომ სამხრეთ კავკასიის ქვეყნები ვიყოთ მობილიზებული და მოტივირებული იმისთვის, რომ ამ რეგიონში იყოს გრძელვადიანი მშვიდობა და სტაბილური განვითარება. მე, როგორც მოგეხსენებათ, მანამდე აზერბაიჯანშიც გახლდით და იქაც ანალოგიური განწყობაა. როგორც მოგეხსენებათ, არსებობს სამმხრივი ფორმატი, რომელშიც მონაწილეობს საქართველო, აზერბაიჯანი და სომხეთი, სადაც მიმდინარეობს საუბრები. ყველაზე გამოკვეთილი თემაა, რა თქმა უნდა, სამშვიდობო პოლიტიკა. იცით, რომ აზერბაიჯანსა და სომხეთს შორის დასრულებულია მოლაპარაკება, ყველა ელოდება ხელმოწერას, რომ გრძელვადიანი მშვიდობა დაისადგურებს ჩვენს რეგიონში“, – განაცხადა ყაველაშვილმა.

მიხეილ ყაველაშვილის განცხადებით, სტაბილურობას მოაქვს განვითარება.

ავტორი: ექსპრესნიუსი,

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა