13 წლის წინ დაფუძნდა ის პოლიტიკური პარტია, რომელმაც, ფაქტობრივად, რამდენიმე თვეში შეძლო, დაემარცხებინა „ნაციონალური მოძრაობა“, სისხლიანი რეჟიმი, –  ამის შესახებ „ქართული ოცნების“ წევრმა, ვლადიმერ ბოჟაძემ განაცხადა.

ბოჟაძის თქმით, 13 წლის თავზე დღეს საქართველო ისეთი დამოუკიდებელი და სუვერენული ქვეყანაა, როგორიც არასდროს ყოფილა.

„ყველა წარმატება, რაც ევროკავშირთან გვაქვს, სწორედ „ქართულ ოცნებას“ უკავშირდება. ბუნებრივიამ ჩვენ ყველაფერს გავაკეთებთ, რომ 2030 წელს ევროკავშირის წევრობისთვის მზად ვიყოთ, სხვა კანდიდატ სახელმწიფოებს შორის ყველაზე მომზადებული ვიყოთ. ყველაზე მთავარი, რაც უნდა აღინიშნოს, ის მშვიდობა და სტაბილურობაა, რომელიც ჩვენს ქვეყანას ბოლო 13 წელია, უწყვეტად აქვს და განსაკუთრებით სწორედ სამი წელი იყო ყველაზე მძიმე ჩვენს ქვეყანაში, რათა შეგვენარჩუნებიანა მშვიდობა და სტაბილურობა.

ბოლო ოთხი წელია, ეკონომიკაში, ფაქტობრივად, ორნიშნა ზრდა გვაქვს. 10 ათას დოლარს გადააჭარბებს შემოსავალი წელს უკვე თითოეულ მოქალაქეზე და მომავალ წლებშიც ყველაფერს გავაკეთებთ, რათა მშვიდობა და სტაბილურობა შევინარჩუნოთ და ქვეყნის წინსვლა და განვითარება გავაგრძელოთ“, – განაცხადა ვლადიმერ ბოჟაძემ.

დღეს „ქართული ოცნების“ დაფუძნებიდან 13 წელი შესრულდა.

ავტორი: ექსპრესნიუსი,

სოციალური ქსელები

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო