გამოცემა Bloomberg საკუთარ წყაროებზე დაყრდნობით წერს, რომ აშშ-მ მოკავშირეებს რუსეთსა და უკრაინას შორის შესაძლო სამშვიდობო ხელშეკრულების მონახაზი წარუდგინა, რომელიც, მათ შორის, რუსეთისთვის სანქციების შემსუბუქებასა და ოკუპირებული ტერიტორიების მოსკოვის კონტროლის ქვეშ დატოვებას გულისხმობს.

გამოცემასთან საუბრისას ევროპელმა მაღალჩინოსნებმა თქვეს, რომ აშშ-მ პარტნიორებს გეგმის მონახაზი 17 მარტს პარიზში შეხვედრის დროს წარუდგინა. 

პარიზის ვიზიტის ფარგლებში ჩატარდა შეხვედრა საფრანგეთის პრეზიდენტს, ემანუელ მაკრონსა და აშშ-ს პრეზიდენტის სპეციალურ წარმომადგენელს, სტივ უიტკოფს შორის, ასევე შედგა დისკუსიები აშშ-ს სახელმწიფო მდივანს, მარკო რუბიოსა და საფრანგეთის, გერმანიის, გაერთიანებული სამეფოსა და უკრაინის წარმომადგენლებს შორის.

Bloomberg-ის წყაროების თანახმად, შეთავაზებული გეგმა ომის ფაქტობრივად გაყინვას, ამჟამად რუსეთის მიერ ოკუპირებული ტერიტორიები მოსკოვის კონტროლის ქვეშ დატოვებას, ხოლო NATO-ში უკრაინის გაწევრიანების გამორიცხვას მოიაზრებს. 

ერთ-ერთმა თანამდებობის პირმა გამოცემასთან თქვა, რომ განხილული გეგმები სამშვიდობო ხელშეკრულების საბოლოო ვარიანტი არ არის და ჯერ მონახაზი უკრაინის წარმომადგენლებთან უნდა განიხილონ. მანვე აღნიშნა, რომ გეგმის მონახაზით ევროპელ მოკავშირეებს ოკუპირებული ტერიტორიების რუსეთის ნაწილად აღიარება არ მოუწევთ. მისივე თქმით, უკრაინისთვის უსაფრთხოების გარანტიების მიწოდება საჭიროა საბოლოო სამშვიდობო შეთანხმების უზრუნველსაყოფად.

ამავე თანამდებობის პირმა ხაზი გაუსვა, რომ მოლაპარაკებები აზრს მოკლებული იქნება, თუკი კრემლი ცეცხლის შეწყვეტას არ დათანხმდება. 

მანამდე, როგორც Bloomberg წერდა, აშშ-ს თანამდებობის პირებმა ხაზი გაუსვეს, რომ რუსეთსა და უკრაინას შორის სრული ცეცხლის შეწყვეტის მიღწევა რამდენიმე კვირაში სურდათ. 

ცნობისთვის, შეხვედრის შემდეგ რუბიომ განაცხადა, რომ პრეზიდენტი დონალდ ტრამპი რამდენიმე დღეში რუსეთსა და უკრაინას შორის პოტენციური სამშვიდობო შეთანხმების მისაღწევად შუამდგომლობას შეწყვეტს, თუ მხარეებისგან ცხადი სიგნალი არ წამოვა, რომ შეთანხმება ნამდვილად მიღწევადია. 

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად