ორშაბათს, 24 თებერვალს, რუსეთ-უკრაინის ომიდან სამი წლის შემდეგ, აშშ გაერო-ში ისტორიულ რეზოლუციას წარადგენს. ამის შესახებ განცხადებას აშშ-ის სახელმწიფო მდივანი, მარკო რუბიო ავრცელებს.

„პრეზიდენტ ტრამპს რუსეთ-უკრაინის ომის დასრულება მტკიცედ აქვს გადაწყვეტილი და მზადაა გადაწყვეტისთვის, რომელიც ხანგრძლივ მშვიდობას გამოიწვევს, არა დროებით პაუზას. ორშაბათს, 24 თებერვალს, სამი წელი გავა რუსეთ-უკრაინის ომის დაწყებიდან. ეს ომი დიდხანს გაგრძელდა და რუსეთისა და უკრაინისთვის საშინელი ფასით“, - ნათქვამია მარკო რუბიოს განცხადებაში.

მისი თქმით, გაერო-ს როლი უნდა დაბრუნდეს თავის ფუნდამენტურ დანიშნულებაში, რომელიც ქარტიაშია დაფიქსირებული და საერთაშორისო მშვიდობისა და უსაფრთხოების შენარჩუნებას, მათ შორის, დავების მშვიდობიანი გზით მოგვარებას ითვალისწინებს.

„აშშ-მა გაერო-ში მარტივი და ისტორიული რეზოლუცია წარადგინა და წევრ სახელმწიფოებს ვთხოვთ, რომ მხარი დაუჭირონ მშვიდობისკენ მიმავალ გზას. ამ რეზოლუციის მხარდაჭერით ვადასტურებთ, რომ ეს კონფლიქტი საშინელებაა და გაერო-ს შეუძლია თავისი წვლილი შეიტანოს მის დასრულებაში“, - აღნიშნულია განცხადებაში.

ავტორი: ექსპრესნიუსი,

სოციალური ქსელები

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა

მაკრონმა ტრამპს უპასუხა: საფრანგეთი ყოველდღე არ დაადასტურებს თავის სუვერენიტეტს ვიღაცის უცნაური განცხადებების გამო

მომავალ კვირას გაეროს გენერალურ ასამბლეაზე დაახლოებით 130 მსოფლიო ლიდერი შეიკრიბება