ორი დღის წინ ორი ნიღბიანი ადამიანი მოვიდა, რომლებმაც უწმაწური სიტყვები დატოვეს – ეს არის წითელი ხაზი, ასეთი რამის გაკეთება არ შეიძლება, ბავშვები და ოჯახის წევრები ცხოვრობენ, – ამის შესახებ სახალხო დამცველმა, ლევან იოსელიანმა განაცხადა, რითიც გამოეხმაურა თავის საცხოვრებელ სახლში რამდენიმე ადამიანის მისვლას და სადარბაზოს კედლებზე წარწერების დატოვების ფაქტს.

იოსელიანის თქმით, ამ ისტორიის ყველაზე ცუდი ნაწილი ის არის, რომ ადამიანის უფლებადამცველ ორგანიზაციებს აღნიშნულ ფაქტზე რეაგირება არ ჰქონიათ. 

„ეს ფაქტი მოსალოდნელი იყო იქიდან გამომდინარე, რომ რამდენიმე ტელევიზია, უკვე რამდენიმე თვეა, კამპანიურად აკეთებს ჩემი, როგორც სახალხო დამცველის სამიზნედ ამოღებას იმ ადამიანებისთვის, რომლებიც შეიძლება არ არიან ინფორმირებულები, თუ რას აკეთებს სახალხო დამცველი პროტესტის მონაწილეების დასაცავად. ვიღაცას, შეიძლება, გულწრფელად სჯერა, რომ ამ პროცეს რაღაცას ვაკლებ, ისეთ რაღაცას არ ვაკეთებ, რასაც უნდა ვაკეთებდე. სამწუხაროდ, ორი ნიღბიანი ადამიანი მოვიდა, რომლებმაც უწმაწური სიტყვები დატოვეს. მე ასეთ ფაქტებზე შეფასებებს ვაკეთებდი, მიუხედავად იმისა, რა დამოკიდებულება შეიძლება მქონდეს ოპონენტის მიმართ. ეს არის წითელი ხაზი, ასეთი რამის გაკეთება არ შეიძლება, ბავშვები და ოჯახის წევრები ცხოვრობენ.

ამ ისტორიის ყველაზე გულდასაწყვეტი ნაწილი არის ის, რომ საქართველოში ვითომ ამდენი უფლებადამცველი ორგანიზაცია არსებობს, ამაზე არცერთმა ხმა არ ამოიღო, როცა ანალოგიურ შემთხვევაში ერთ ამბავს ატეხდნენ. სწორია, ერთი ამბავი უნდა ატეხო. არ შეიძლება ასეთი რამის გაკეთება. მორალს იქით არის. არავინ ხმა არ ამოიღო.

თუ უფლებადამცველები არიან, რეაგირება უნდა მოეხდინათ. ამიტომ არ მჯერა მათი უფლებადამცველობის. ამიტომ არ მაქვს ნდობა ბევრი მათგანის მიმართ, რადგან შერჩევითი დამოკიდებულება აქვთ უფლებების და ადამიანების მიმართ. აქედან გამომდინარე, ეს მე არ გამკვირვებია. ჩემი დამოკიდებულება მათდამი ასეთი არასდროს ყოფილა, არც მომავალში იქნება. როდესაც ვინმეს მიმართ ხდება ანალოგიური რამ, ამაზე ყოველთვის მაქვს რეაქცია და განცხადება.

თუ კამპანიურად სამი ტელევიზია თავიანთ გადაცმებს დაიწყებენ – „ქართული ოცნების“ სახალხო დამცველი“ – რაც მთავარი,ა ამ ყველაფერს „ტვ პირველი“ აზიარებდა, როგორც ჩანს, მოსწონდა, რომ სახლში მომივარდნენ. მინდა, მათ ჟურნალისტებს ვკითხო: კმაყოფილები ხართ, რომ სახლში მომივარდნენ და ჩემმა შვილმა ეს ყველაფერი ნახა? ვინც არ უნდა იყოს, ეს ფაქტი არის დასაგმობი. იმის ოჯახი რა შუაშია, ჩემ მიმართ თუ აქვს ვინმეს პრეტენზია, ჩემზე დაწერონ“, – განაცხადა ლევან იოსელიანმა.

ავტორი: ექსპრესნიუსი,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა