ივანიშვილის მხრიდან, ხალხის გაჩუმების მიზნით, სახელმწიფოს სახელით ტერორის მცდელობას უკუეფექტი ექნება, - ამის შესახებ „ნაციონალური მოძრაობის“ თავმჯდომარემ თინა ბოკუჩავამ სასამართლო სხდომის დასრულების შემდეგ განაცხადა, სადაც „თბილისი მოლთან“ 2 თებერვალს გამართულ საპროტესტო აქციაზე, სისხლის სამართლის წესით, სტრატეგიული მნიშვნელობის ობიექტის ჯგუფურად ბლოკირების მცდელობის ბრალდებით დაკავებულების პროცესი მიმდინარეობდა.

ბოკუჩავას თქმით, ნაცვლად დიქტატურის კონსოლიდაციისა, ბიძინა ივანიშვილი მიიღებს კონსოლიდირებულ ქართველ ხალხს.

„ამ ადამიანების პატიმრობაში გაშვების მიზანი მუდმივი დისკომფორტის შექმნა თავად იმ ადამიანებისთვის, ვინც ბრალდებულის სკამზე დასვა დღეს ივანიშვილის რუსულმა რეჟიმმა და მათი ოჯახებისთვის და სიგნალი ყველა ადამიანისთვის, ვინც შეიძლება ქუჩაში გამოვიდეს, რომ ეს არის ის, რაც თქვენ გელით, თუმცა, ამგვარი სახელმწიფოს სახელით ტერორის მცდელობას ივანიშვილის მხრიდან ხალხის გაჩუმების მიზნით, ექნება უკუეფექტი და ნაცვლად დიქტატურის კონსოლიდაციისა, ივანიშვილი მიიღებს კონსოლიდირებულ ქართველ ხალხს, რომელიც მიუხედავად წარსულის, პროფესიის, ასაკის თუ პოლიტიკური შეხედულებისა, გავერთიანდებით და ამ ერთიანობით დავამარცხებთ ივანიშვილის რუსულ რეჟიმს”, - განაცხადა თინა ბოკუჩავამ.

ავტორი: ექსპრესნიუსი,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა