საქართველოს მეხუთე პრეზიდენტი, სალომე ზურაბიშვილი თავდაცვის სამინისტროდან თანამშრომლების დათხოვნის გეგმასთან დაკავშირებით მთავარი არხის მიერ გავრცელებულ ინფორმაციას გამოეხმაურა. 

ზურაბიშვილის თქმით, სრულიად მიუღებელია თავდაცვის სამინისტროს პოლიტიზირება და მასში რეპრესიების გატარება.

"როგორც უმაღლესი მთავარსარდალი, მინდა ვთქვა, რომ სრულიად მიუღებელია ის, რაც გამოცხადდა, რომ შეიძლება ეს რეპრესიები და დათხოვნები შეეხოს თავდაცვის სამინისტროს, რამეთუ ეს არის ჩვენი ქვეყნის და დამოუკიდებლობის საყრდენი. არ შეიძლება, ამ უწყების რამენაირად პოლიტიზირება. მინდა მივმართო ჩვენ სამხედრო ძალებს და ვუთხრა, რომ ბოლომდე ყოველთვის ვიქნები მათ გვერდში, რათა მათ ჰქონდეთ ყველანაირი საშუალება და უფლება, ეს ქვეყანა დაიცვან, როგორც დამოუკიდებელი, დემოკრატიული და სუვერენული საქართველო" – ამბობს ზურაბიშვილი.

4 თებერვალს მთავარმა არხმა გაავრცელა ინფორმაცია, რომ თავდაცვის სამინისტროში რეორგანიზაცია გამოცხადდა და თებერვლის ბოლომდე, პირველი ტალღის შედეგად სამინისტროდან, სულ მცირე, 200 ადამიანის გაშვება იგეგმება. 

ავტორი: ექსპრესნიუსი,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა