ფაქტია, რომ ივანიშვილი დიქტატურის დამყარებას ცდილობს, ეს უკვე აღარ არის ავტორიტარიზმისკენ მიმართული ნაბიჯები - ეს არის სრული საზოგადოებრივი ტერორის მცდელობა, ბიძინა ივანიშვილის მხრიდან,- ამის შესახებ "ერთიანობა - ნაციონალური მოძრაობის" ლიდერმა, თინა ბოკუჩავამ, თბილისის საქალაქო სასამართლოში, პოლიტიკოსს გიგი უგულავასა და კიდევ 3 პირის სასამართლო სხდომამდე განაცხადა.

მისი თქმით, ადამიანებს პროტესტის საჯაროდ გამოხატვის გამო სჯიან.

„ის ცდილობს, რუსული ტიპის დიქტატურის დამყარებას ცდილობს საქართველოში. იჭერენ ადამიანს მხოლოდ იმიტომ, რომ გამოხატავს პროტესტს, სადაც ათეულობით პატიმარია, მათ შორის არასრულწლოვნებიც და მედიის წარმომადგენლებიც არიან, ასევე არის მოშიმშილე ქალი მედიის წარმომდგენელი [მზია ამაღლობელი], რომელმაც „რუსული რეჟიმის“ წინააღმდეგ ბრძოლაში გმირობა გვაჩვენა. ეს არის სრული საზოგადოებრივი ტერორის მცდელობა, ბიძინა ივანიშვილის მხრიდან, რათა დიქტატურის კონსოლიდაცია მოახდინოს. დარწმუნებული ვარ, რომ ამას ხალხის კონსოლიდაცია მოჰყვება, რომელიც დაასრულებს ივანიშვილის დიქტატურას",- განაცხადა თინა ბოკუჩავამ.

ცნობისთვის, დაკავებულებს ბრალი სისხლის სამართლის კოდექსის 19-222-ე მუხლით წარედგინათ, რაც სტრატეგიული ან განსაკუთრებული მნიშვნელობის ობიექტის ჯგუფურად ბლოკირების მცდელობას გულისხმობს.

ავტორი: ექსპრესნიუსი,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა