ვინც ცდილობს დემოკრატიისა და საქართველოს მოსახლეობის შანტაჟს, ყოველთვის მიიღებს სამართლიან, კონსტიტუციურ, კანონიერ პასუხს ამაზე, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

აღნიშნული განცხადება პაპუაშვილმა მას შემდეგ გააკეთა, რაც პარლამენტმა სამი ოპოზიციური გაერთიანების 49 წევრს სადეპუტატო უფლებამოსილება ვადამდე ადრე შეუწყვიტა. 

„2020 წელს ყალბი ნარატივით, რომელიც შემდეგ გაირკვა, რომ იყო ორგანიზებული და მხარდაჭერილი ზოგიერთი მათი მოკავშირე არასამთავრობო ორგანიზაციის მხრიდან, გაირკვა, რომ იყო ორგანიზებული და მხარდაჭერილი ზოგიერთი უცხოური ორგანიზაციის მხრიდან, გაირკვა, რომ როგორც ერთი წელი, 2020 წლის არჩევნების შემდეგ, ისე შემდეგი სამი წელი, მიუხედავად იმისა, რომ შემოვიდნენ, ნახევარზე მეტი სხდომებისა გაცდენა ჰქონდათ, ხან ბოიკოტით და ხან ისე გაცდენა ჰქონდათ. რეალურად არცერთი დღე არ უმუშავიათ პარლამენტში და ვნახეთ, რომ არჩევნების შემდეგ საპარლამენტო უმრვალესობამ მისცა შანსი, მათ საკუთარი ამომრჩევლის ნება წარმოედგინათ. ამან გამოიწვია, რომ რადიკალური ოპოზიცია შეეცადა, ეს ექცია პრეცედენტად და 2024 წლის არჩევნების შემდეგეც ზუსტად ვხედავთ არჩევნების გაუქმებისა და ხალხის ნების უარყოფის იმავე მცდელობას. ვხედავთ იგივე მეთოდებს, მათ შორის მანდატებზე უარის თქმის შესახებ. რა თქმა უნდა, ჩვენ ქართველი ხალხის სახელით ვერ დავუშვებთ, რომ საქართველოს კონსტიტუცია, დემოკრატია იყოს უგულებელყოფილი და ხალხის ნების ფეხქვეშ გათელვას ცდილობდეს რადიკალური ოპოზიცია, მისი შიდა, თუ გარე მფარველების მეშვეობით“, – განაცხადა შლავა პაპუაშვილმა პარლამენტის პლენარულ სხდომაზე.

ავტორი: ექსპრესნიუსი,

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს