საგამოძიებო კომისიის შექმნა არის მნიშვნელოვანი იმისთვის, რომ მოხდეს “ნაციონალური მოძრაობის”, როგორც რეჟიმის სამართლებრივი შეფასება - დარწმუნებული ვარ, ოპოზიციას ეყოფა გონიერება და ითანამშრომლებენ კომისიასთან, - ამის შესახებ “ქართული ოცნების” დეპუტატმა, ვლადიმერ ბოჟაძემ ჟურნალისტებთან განაცხადა.

მისი თქმით, ვინც მიიღებს მოწვევას და დაბარებული იქნება კომისიის განხილვაზე, თუ არ ითანამშრომლებს, არსებობს სისხლის სამართლის კონკრეტული მუხლები რომლებიც ასევე ითვალისწინებს კომისიასთან ართანამშრომლობის სისხლის სამართლებრივ პასუხისმგებლობას.

„საგამოძიებო კომისიის შექმნა არის მნიშვნელოვანი იმისთვის, რომ მოხდეს „ნაციონალური მოძრაობის”, როგორც რეჟიმის სამართლებრივი შეფასება. რაც 12 წლის განმავლობაში ბევრი ობიექტური თუ სუბიექტური მიზეზების გამო არ მომხდარა. მოხდა მხოლოდ პოლიტიკური შეფასება - ვგულისხმობ იმ შედეგებს, რომელიც დადგა ყველა არჩევნებზე, მათ შორის 26 ოქტომბერს. ახლა მოხდება სამართლებრივი შეფასება - 6 თვე აქვს კომისიას იმისთვის, რომ ამ საკითხებზე იმუშაოს. ის, ვინც მიიღებს მოწვევას და დაბარებული იქნება კომისიის განხილვაზე, თუ არ ითანამშრომლებს არსებობს სისხლის სამართლის კონკრეტული მუხლები - 349, 350-ე, 351-ე, რომლებიც ასევე ითვალისწინებს კომისიასთან ართანამშრომლობის სისხლის სამართლებრივ პასუხისმგებლობას. ამის მაგალითები ჩვენს ქვეყანაში არ არსებობს, მაგრამ არსებობს ევროპული პრაქტიკა, მაგალითად, პოლონეთში. თუმცა დარწმუნებული ვარ, ოპოზიციას ეყოფა გონიერება და ითანამშრომლებენ კომისიასთან”, - განაცხადა ბოჟაძემ.

კითხვაზე, ვინ წარმოუდგენია მას პირველ რესპონდენტად საგამოძიებო კომისიაში, ბოჟაძემ უპასუხა, რომ დაიბარებდა „კოალიცია ცვლილებისთვის” ლიდერს, ნიკა გვარამიას.

„მე მაგალითად, დავიბარებდი გვარამიას და მოვისმენდი, რა დავაშავეთ 7 ნოემბერს, რატომ დაგვარბია სამჯერ, რატომ აიღეს შტურმით “იმედი”. მანამდე, რატომ აიღო და დაარბია ტელეკომპანია “იბერია”. ასევე ვკითხავდი, რატომ გააკოტრა “რუსთავი 2”, ახლა რას ერჩის “მთავარს” და ა.შ”, - განაცხადა ბოჟაძემ.

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები