"მიმდინარეობს „სტუდია მაესტრო“ს და ლევან გაჩეჩილაძის ძალით დაქორწინების პროცესი, რასაც ძალიან უწყობს ხელს მთავრობა“, - ამის შესახებ ჟურნალისტებს ტელეკომპანია „მაესტროს“ ერთ-ერთმა დამფუძნებელმა ბაჩო კიკაბიძემ განუცხადა.

მისივე შეფასებით, ამ პროცესში უკვე ღიად ჩაერთო სასამართლოც.

კიკაბიძეს მიაჩნია, რომ დღეს საჯარო რეესტრის მიერ მიღებული გადაწყვეტილება, რომლის მიხედვითაც ლევან გაჩეჩილაძე „მაესტროს“ გენერალურ დირექტორი გახდა, უკანონოა.

"მიმდინარეობს სტუდია მაესტროს და ლევან გაჩეჩილაძის ძალით დაქორწინების პროცესი, რასაც ძალიან უწყობს ხელს მთავრობა. როგორც ჩანს, უკვე სასამართლოც ჩაერია, რომ რამენაირად მოხდეს ეს. მაგრამ, ეს ის შემთხვევაა, როდესაც არცერთ მხარეს არ უნდა ერთმანეთის ცოლად მოყვანა," - განაცხადა ბაჩო კიკაბიძემ.

ცნობისთვის, ლევან გაჩეჩილაძე საჯარო რეესტრმა „სტუდია მაესტროს“ დირექტორად დაარეგისტრირა. ამ გადაწყვეტილების შესახებ ინფორმაცია დღეს დილით გავრცელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს