''ადიგენში ქრისტიანების ჯგუფი თავს დაესხა სოფლის ცენტრში მდგარ მუსლიმებს'' - ინფორმაციას ადამიანის უფლებების და მონიტორინგის ცენტრის დირექტორი, თამთა მიქელაძე სოციალური ქსელის საშუალებით ავრცელებს. მისი თქმით, კოლექტიური თავდასხმის შედეგად ფიზიკური დაზიანება მიიღო სამმა მუსლიმმა, მათ აღენიშნებათ დაზიანებები სახეზე და თავზე, მათ შორის, ერთ-ერთს გატეხილი აქვს თავი.

EMC-ის ცნობით, ბოლო ორ წლის განმავლობაში ადიგენის მუნიციპალიტეტში უკვე სამი რელიგიური დაპირისპირება მოხდა. ადგილობრივი ხელისუფლებაზე ამ მუნიციპალიტეტში ადგილობრივ ქრისტიანი სასულიერო პირების გავლენა განსაკუთრებით მაღალია. ადგილობრივი პოლიცია კი რეპრესიული და დისკრიმინაციული მუსლიმი თემის მიმართ.

''ადიგენის მუნიციპალიტეტში უკანასკნელი ორი წლის განმავლობაში უკვე მესამე ძალადობრივი ინციდენტი მოხდა მუსლიმების მიმართ. ადგილობრივი მუსლიმი თემის განმარტებით, რომელიც ამ წუთებში ჩავიწერეთ, ადგილობრივი ქრისტიანების ჯგუფი(20-30-მდე ადამიანი) თავს დაესხა სოფლის ცენტრში მდგარ მუსლიმებს,რომლებიც ადიგენის გამგებელთან და მის მოადგილესთან ერთად სოფელში მუსლიმური საფლავისთვის მიწის გამოყოფის საკითხს იხილავდნენ. კოლექტიური თავდასხმის შედეგად ფიზიკური დაზიანება მიიღო სამმა მუსლიმმა, მათ აღენიშნებათ დაზიანებები სახეზე და თავზე, მათ შორის, ერთ-ერთს გატეხილი აქვს თავი. ქრისტიანები სიძულვილის ენას იყენებდნენ მუსლიმების მიმართ და მუქარას და აგრესიას ავლენდნენ. პოლიცია ადგილზე ცოტა მოგვიანებით გამოცხადდა, თუმცა, სიტუაციაში ჩარევა, ასევე თავდამსხმელების იდენტიფიცირება და ნაცემი პირების გამოკითხვა არ უცდია. 

რამდენიმე თვეა დაბა ადიგენის მუსლიმი თემი სოფელში მუსლიმური საფლავისთვის მიწის ნაკვეთის გამოთხოვას ითხოვს, რადგან მათ საკუთარი მიცვალებულის დაკრძალვა 3 კმ. მდებარე სოფელ ზანავში უწევთ. ქრისტიანულ სასაფლაოზე მუსლიმის დაკრძალვა კი რელიგიური წესების დარღვევაა. ამ მოთხოვნაზე პოზიტიური რეკომენდაცია აქვს გაცემული რელიგიის საკითხთა სახელმწიფო სააგენტოს.სიტუაციის ესკალაცია ამ ფაქტის გასაჯაროებას მოყვა.
ადგილობრივ ხელისიფლებაზე ამ მუნიციპალიტეტში ქრისტიანი სასულიერო პირების გავლენა განსაკუთრებით მაღალია. ადგილობრივი პოლიცია კი რეპრესიული და დისკრიმინაციული მუსლიმი თემის მიმართ.'' - წერია ადამიანის უფლებების და მონიტორინგის ცენტრის დირექტორის, თამთა მიქელაძის ფეისბუქ გვერდზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს

ბათუმში, ტრადიციულად წვიმის შედეგად ქუჩები დაიტბორა

მიხეილ სარჯველაძე აცხადებს, რომ ინტოქსიკაციის ნიშნებით, 100-ზე მეტი ბავშვის ჰოსპიტალიზება გახდა აუცილებელი