პარლამენტის შენობის უკანა შესასვლელთან ვითარება დაიძაბა. აქციის მონაწილეები და სამართალდამცავები ერთმანეთს სიტყვიერად დაუპირისპირდნენ. 

ჭიჭინაძის ქუჩის მხარეს, ისმის გამაფრთხილებელი მოწოდება წესრიგის დამყარებისკენ, წინააღმდეგ შემთხვევაში სპეციალურ საშუალებებს გამოიყენებენ.

მიუხედავად გამაფრთხილებელი მოწოდებისა, აქციის მონაწილეები არ იშლებიან.

პარლამენტის შენობის მიმდებარე ტერიტორიაზე განლაგებულია სპეციალური დანიშნულების რაზმი. 

მანამდე, ჩიტაძის ქუჩაზე აქციის მონაწილეებმა სპეცრაზმს რამდენჯერმე კვერცხები ესროლეს.

აღსანიშნავია, რომ მოქალაქეებმა რუსთაველის გამზირზე შეკრება 19:00 საათიდან დაიწყეს.

შეგახსენებთ, თბილისში, პარლამენტთან საპროტესტო აქცია გუშინ, 28 ნოემბერსაც გაიმართა.

მოქალაქეების პროტესტი მას შემდეგ დაიწყო, რაც პრემიერ-მინისტრმა, ირაკლი კობახიძემ გაახმოვანა „ქართული ოცნების“ გადაწყვეტილება, რომლის მიხედვითაც, ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.

კობახიძის აღნიშნული განცხადების შემდეგ, საქართველოს დედაქალაქი და სხვა დიდი ქალაქები საპროტესტო აქციებმა მოიცვა.

თბილისში მოქალაქეები თავდაპირველად „ქართული ოცნების“ ოფისთან, შემდეგ კი, პარლამენტთან შეიკრიბნენ.

რუსთაველის გამზირზე ვითარება რამდენჯერმე დაიძაბა. თავდაპირველად, მოქალაქეებსა და სამართალდამცველებს შორის იყო როგორც სიტყვიერი, ისე ფიზიკური დაპირისპირება. მოგვიანებით, სამართალდამცველებმა პროტესტის მონაწილეების წინააღმდეგ ცრემლსადენი გაზი და ე.წ. წიწაკის სპრეი გამოიყენეს. მალევე, წყლის ჭავლის გამოყენება და მომიტინგეების დაშლა დაიწყეს.

შინაგან საქმეთა სამინისტროს ოფიციალური ინფორმაციით, პოლიციამ აქციაზე 43 პირი დააკავა.

ავტორი: ექსპრესნიუსი,

სოციალური ქსელები

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა

საქართველოს ეროვნულ ნაკრებს რამაზ სვანაძე უხელმძღვანელებს