ევროპარლამენტარი სლოვაკეთიდან - რუსეთის წინააღმდეგ საქართველოს გამოყენება გვსურს

2024-11-18 22:08:10, 346 ნახვა

პოლიტიკა

რუსეთის წინააღმდეგ სხვა ხალხის მეშვეობით ვიბრძვით, უკრაინის მეშვეობით და ახლა საქართველოს გამოყენება გვსურს, - განაცხადა ევროპარლამენტის წევრმა, სლოვაკეთის პრემიერის ფიცოს თანაპარტიელმა, ლუბოშ ბლაჰამ.

მისი თქმით, საქართველოს უფლება აქვს ითანამშრომლოს რუსეთთან, რადგან მასზე ეკონომიკურად დამოკიდებულია.

„იმპერიალისტური მიდგომაა, აიძულო საქართველო რუსეთის მიმართ აგრესიული იყოს. რუსეთის წინააღმდეგ სხვა ხალხის მეშვეობით ვიბრძვით. უკრაინის მეშვეობით და ახლა საქართველოს გამოყენება გვსურს. და ვინაიდან მათ ეს არ სურთ, გვსურს დავსაჯოთ ისინი. ეს ამორალური მიდგომაა. ევროპარლამენტი აცხადებს, რომ ქართველებზე ზრუნავს, თუმცა ორი კვირის წინ, პლენარულ სესიას მხოლოდ თარჯიმნები და ხუთი ევროპარლამენტარი ესწრებოდნენ. საქართველოს უფლება აქვს თავისი დემოკრატიული გზა აირჩიოს“, - დასძინა მან.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,