გერმანიის კანცლერმა ოლაფ შოლცმა რუსეთის პრეზიდენტ ვლადიმერ პუტინთან სატელეფონო საუბარში დაგმო რუსეთის ფედერაციის მიერ უკრაინაში გაჩაღებული სრულმასშტაბიანი ომი და მოუწოდა პუტინს შეწყვიტოს ეს ომი და გაიყვანოს რუსული ჯარები უკრაინის ტერიტორიიდან. ამის შესახებ DW-ს გერმანიის სამთავრობო წრეებში წყაროებმა განუცხადეს.

საუბრის ბოლოს, რომელიც დაახლოებით ერთ საათს გაგრძელდა, კანცლერმა ხაზგასმით აღნიშნა, რომ რუსეთი მზად უნდა იყოს უკრაინასთან მოლაპარაკებისთვის სამართლიანი და ხანგრძლივი მშვიდობის მისაღწევად და კიდევ ერთხელ დაადასტურა გერმანიის მტკიცე გადაწყვეტილება, მხარი დაუჭიროს უკრაინას რუსეთის აგრესიის წინააღმდეგ ბრძოლაში მანამ, სანამ ეს საჭიროა.

 ოლაფ შოლცმა, ვლადიმირ პუტინთან საუბარში, მკაცრად დაგმო რუსეთის საჰაერო თავდასხმები უკრაინაში სამოქალაქო ინფრასტრუქტურაზე. გარდა ამისა, გერმანიის კანცლერმა გააფრთხილა პუტინი, რომ ჩრდილოეთ კორეელი ჯარისკაცების გაგზავნა რუსეთში უკრაინის წინააღმდეგ საომარ მოქმედებებში მონაწილეობის მისაღებად „კონფლიქტის სერიოზულ ესკალაციას და გაფართოებას გამოიწვევს“.

შოლცმა ნათლად აჩვენა, რომ ამ ომში რუსეთის მიერ დასახული არცერთი მიზნის მიღწევა ვერ მოხერხდა და მან მოუწოდა რუსეთს მზად ყოფილიყო „უკრაინასთან სერიოზული მოლაპარაკებების გასატარებლად“. მან ხაზგასმით აღნიშნა, რომ „უკრაინის მხარდაჭერა იქნება გრძელვადიანი და რუსეთის პრეზიდენტს არ უნდა ჰქონდეს იმის იმედი, რომ დრო მის სასარგებლოდ იქნება“.

ოლაფ შოლცი და ვლადიმერ პუტინი შეთანხმდნენ, რომ „კონტაქტში დარჩნენ“. ამავდროულად, გერმანიის მთავრობა გააგრძელებს არსებული ვითარების შესახებ მოკავშირეების, პარტნიორების, ასევე ევროკავშირისა და ნატოს ხელმძღვანელობის ინფორმირებას.

ეს პოლიტიკოსებს შორის პირველი კონტაქტია 2022 წლის დეკემბრის შემდეგ. ბერლინსა და მოსკოვს შორის მოლაპარაკებების არხი უკრაინის წინააღმდეგ რუსეთის სრულმასშტაბიანი აგრესიის დაწყების შემდეგ შეწყდა.

ავტორი: ექსპრესნიუსი,

სოციალური ქსელები

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა

მაკრონმა ტრამპს უპასუხა: საფრანგეთი ყოველდღე არ დაადასტურებს თავის სუვერენიტეტს ვიღაცის უცნაური განცხადებების გამო