2024-11-15 15:27:37, 411 ნახვა

---

ოკუპირებულ აფხაზეთში ე.წ. პარლამენტთან მიმდინარე საპროტესტო აქციის მონაწილეების წინააღმდეგ ცრემლსადენი გაზი გამოიყენეს [ვიდეო]

ოკუპირებულ აფხაზეთში, ე.წ. პარლამენტთან მიმდინარე საპროტესტო აქციაზე ვითარება კვლავ დაძაბულია, მონაწილეების წინააღმდეგ ცრემლსადენი გაზი გამოიყენეს. ამის შესახებ ინფორმაციას "ტელეგრმ-არხი" D News Абхазия ავრცელებს.

მანამდე აქციის მონაწილეებმა ღობის ნაწილი დაანგრიეს და ე.წ. პარლამენტის შენობის მიმდებარე ტერიტორიაზე შევიდნენ.

აქციის მონაწილეებსა და ე.წ. ძალოვანი უწყებების წარმომადგენლებს შორის შეხლა-შემოხლა მოხდა. აქციის მონაწილეებმა მათ კვერცხები და ბოთლები დაუშინეს.

შეგახსენებთ, დღეს, 15 ნოემბერს დროებით ოკუპირებული აფხაზეთის ე.წ. პარლამენტში სოხუმს და მოსკოვს შორის „საინვესტიციო შეთანხმების პროექტის რატიფიცირება“ იგეგმებოდა, თუმცა იმის გამო, რომ  ე.წ. დეპუტატებმა დღის წესრიგი არ დაამტკიცეს, სხდომა ჩაიშალა. აქციის მონაწილეები „დეპუტატებისგან“ სხდომის გამართვას და პროექტის წინააღმდეგ ხმის მიცემას მოითხოვენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი