2024-11-05 21:18:30, 447 ნახვა
მსოფლიო
ტრამპის საარჩევნო შტაბი - ფილადელფიაში საარჩევნო კომისიის ოთხი რესპუბლიკელი წევრი საარჩევნო უბნებიდან უკანონოდ გააძევეს
ფილადელფიაში საარჩევნო კომისიის ოთხი რესპუბლიკელი წევრი უკანონოდ გააძევეს საარჩევნო უბნებიდან, თუმცა შემდგომში სამი მათგანი დააბრუნეს. BBC-ის ცნობით, ამის შესახებ აშშ-ის პრეზიდენტობის კანდიდატის, დონალდ ტრამპის საარჩევნო შტაბში აცხადებენ.
დონალდ ტრამპის შტაბში აღნიშნავენ, რომ ეს საზოგადოების ნდობის მიუღებელი დარღვევაა.
"ეს დანაშაულია და როგორც იყო დაპირებული, არ უნდა მომხდარიყო სამართლიან და უსაფრთხო არჩევნებში. ეს არის საზოგადოების ნდობის მიუღებელი დარღვევა, რაც ძირს უთხრის ფილადელფიის არჩევნების გამჭვირვალობასა და კეთილსინდისიერებას",- ნათქვამია ტრამპის საარჩევნო შტაბის მიერ გავრცელებულ განცხადებაში.
ავტორი: ექსპრესნიუსი,
epn.ge (@expressnews.ge)
