2024-10-24 19:28:00, 489 ნახვა

---

გუტერეში - ჩვენ გვჭირდება მშვიდობა ღაზაში ცეცხლის დაუყოვნებლივი შეწყვეტით - გვჭირდება მშვიდობა ლიბანში, უკრაინასა და სუდანში

გაეროს გენერალურმა მდივანმა, ანტონიო გუტერეშმა ყაზანში, BRICS-ის სამიტის ფარგლებში გამართული გაფართოებული შეხვედრის მონაწილეებს მიმართა.

როგორც გუტერეშმა აღნიშნა, მსოფლიოს სჭირდება მშვიდობა ღაზაში, ლიბანში, უკრაინასა და სუდანში.

"ჩვენ გვჭირდება მშვიდობა ღაზაში ცეცხლის დაუყოვნებლივი შეწყვეტით, ყველა მძევლის უპირობო და დაუყოვნებლივი გათავისუფლებით, ჰუმანიტარული საჭიროებების შეუფერხებლად დაკმაყოფილებით. ჩვენ უნდა მივაღწიოთ შეუქცევად პროგრესს ოკუპაციის დასასრულებლად და ორ სახელმწიფოზე დაფუძნებულ გამოსავალს.

ჩვენ გვჭირდება მშვიდობა ლიბანში საბრძოლო მოქმედებების დაუყოვნებლივი შეწყვეტით. ჩვენ გვჭირდება მშვიდობა უკრაინაში, სამართლიანი მშვიდობა გაერო-ს წესდების, საერთაშორისო სამართლისა და გენერალური ასამბლეის რეზოლუციების შესაბამისად. ჩვენ გვჭირდება მშვიდობა სუდანში, რომ ყველა მხარემ დაადუმოს იარაღი და მხარი დაუჭიროს გრძელვადიან მშვიდობას",- განაცხადა ანტონო გუტერეშმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი