უკრაინის საგარეო საქმეთა მინისტრი ანდრეი სიბიგა ვიზიტით თურქეთში ჩავიდა, სადაც თანამშრომლობის ძირითად საკითხებზე მოლაპარაკებებს თურქეთის საგარეო საქმეთა მინისტრთან, ჰაკან ფიდანთან გამართავს. ამის შესახებ ინფორმაციას უკრაინული მედია ქვეყნის საგარეო საქმეთა სამინისტროზე დაყრდნობით ავრცელებს.

მედიის ცნობით, უკრაინის საგარეო საქმეთა მინისტრი შეხვედრას ეროვნული თავდაცვის მინისტრთან, იაშარ გიულერთან და ვაჭრობის მინისტრთან, ომერ ბოლატთან გეგმავს.

როგორც უწყებაში აცხადებენ, მოლაპარაკებების ძირითადი აქცენტი იქნება ორმხრივი თანამშრომლობის გაფართოება პოლიტიკურ, ეკონომიკურ, თავდაცვის, სამრეწველო, კულტურულ და ჰუმანიტარულ სფეროებში.

ისინი ასევე შავ ზღვაში ნაოსნობის თავისუფლებასა და შავი ზღვის უსაფრთხოებას განიხილავენ.

განსაკუთრებული ყურადღება დაეთმობა პრეზიდენტ ვოლოდიმირ ზელენსკის “გამარჯვების გეგმას“, უკრაინის ნატოში ინტეგრაციას და “მშვიდობის ფორმულას“.

გარდა ამისა, უკრაინის საგარეო საქმეთა სამინისტროს ხელმძღვანელი თავდაცვის ინდუსტრიულ გამოფენას SAHA EXPO 2024-ს ეწვევა, სადაც ცალკე შეხვედრებს თურქული თავდაცვის კომპანიებთან გამართავს.

ავტორი: ექსპრესნიუსი,

სოციალური ქსელები

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო