„მე უკვე გამოვკვეთე ირაკლი რუხაძის პირადი პოლიტიკური ინტერესები“, - ამის შესახებ ტელეკომპანია „მაესტროს“ გენერალურმა დირექტორმა ბაია გადაბაძემ ჟურნალისტებს განუცხადა.

გადაბაძეს თქმით, ირაკლი რუხაძე საკუთარი ქმედებებით ხელისუფლებასთან დაპირისპირებისთვის ტელეკომპანია „მაესტროს“ იყენებს.

„როდესაც ვამბობდი, რომ ირაკლი რუხაძეს აქვს პოლიტიკური ინტერესები მე მეგონა, რომ ის "ქართული ოცნების" სასარგებლოდ მოქმედებდა და ახლა ირაკლი რუხაძის პირადი პოლიტიკური ინტერესები მე უკვე გამოვკვეთე. კითხვაზე რატომ დაიწყეს ეს ყველაფერი, მე არასდროს არ მქონდა პასუხი და ახლა ვხვდები, რომ შესაძლოა ირაკლი რუხაძეს თუ აქვს განსაზღვრული პოლიტიკაში მოსვლა, ამითი ხელისუფლებას არტყამს და ამაში ნებსით ან უნებლიედ არიან გაჩეჩილაძეები ჩართული“, - განაცხადა ბაია გადაბაძემ. „მაესტროს“ გენერალურმა დირექტორმა გია გაჩეჩილაძის ბრალდებებსაც უპასუხა, სადაც გაჩეჩილაძე აცხადებდა, რომ „ქვეყნის მართვა არ ნიშნავს გვარამიას და გადაბაძის ხუშტურზე სიარულს.“ როგორც გადაბაძემ აღნიშნა, სწორედ გაჩეჩილაძის ეს განცხადება გავს შანტაჟს და ის ქვეყანას არ მართავს.

ტელეკომპანია „მაესტროს“ გენერალურმა დირექტორმა კომენტარი პრემიერ-მინისტრზეც გააკეთა და გია გაჩეჩილაძე მისი რეპუტაციის შელახვაში დაადანაშაულა.

„პრემიერ-მინისტრის რეპუტაცია გიამ ძალიან დიდი კითხვის ნიშნის ქვეშ დააყენა და ახლა პრემიერი საკუთარი რეპუტაციის გადარჩენას ცდილობს და ეს მათ ჩაიგდეს თავი ამ მდგომარეობაში, მე ეს არ გამიკეთებია“ , - აცხადებს გადაბაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს

ბათუმში, ტრადიციულად წვიმის შედეგად ქუჩები დაიტბორა

მიხეილ სარჯველაძე აცხადებს, რომ ინტოქსიკაციის ნიშნებით, 100-ზე მეტი ბავშვის ჰოსპიტალიზება გახდა აუცილებელი