აზერბაიჯანის სახელმწიფო უსაფრთხოების სამსახურის მიერ ჩატარებული გამოძიების შედეგად გამოიკვეთა ეჭვი, რომ რუსეთის ფედერაციის ქალაქ მურმანსკში მცხოვრები აზერბაიჯანის რესპუბლიკის მოქალაქე, სხვა პირებთან ერთად, ტერაქტს გეგმავდა. ამის შესახებ ინფორმაციას აზერბაიჯანული მედია ქვეყნის სახელმწიფო უსაფრთხოების სამსახურზე დაყრდნობით ავრცელებს.

როგორც მედია წერს, აზერბაიჯანის მოქალაქეს კავშირები ჰქონდა რესპუბლიკის სხვადასხვა რეგიონში მცხოვრებ ადამიანებთან, რომლებსაც მითითებებს აძლევდა, მოეწყოთ ქალაქ ლანკარანის აღმასრულებელი ხელისუფლების მეთაურზე თავდასხმა. ასევე გეგმავდნენ, მოეკლათ უცხო ქვეყნის მოქალაქე, რომელიც ინგლისურს ასწავლიდა რესპუბლიკის ზოგიერთ რეგიონში.

გარდა ამისა, როგორც სახელმწიფო უსაფრთხოების სამსახური იუწყება, დაკავებული გეგმავდა სამხედრო წვრთნების მოწყობას უცხო სახელმწიფოს ტერიტორიაზე იმ პირებთან ერთად, რომლებთანაც კონტაქტში იყო.

სასამართლომ აღკვეთის ღონისძიების სახით, დაკავებულს პატიმრობა შეუფარდა. მიმდინარეობს გამოძიება.

ავტორი: ექსპრესნიუსი,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა