მოსკოვის ბასმანის სასამართლომ Crocus City Hall-ზე მომხდარ შეიარაღებულ თავდასხმაში ბრალდებულ 4 პირს - დალერჯონ მირზოევს, მუროდალი რაჩაბალიზოდეს, შამსიდინ ფარიდუნსა და მუჰამადსობირ ფაიზოვს წინასწარი პატიმრობა შეუფარდა. ამის შესახებ ინფორმაციას CNN ავრცელებს.

მედიის ცნობით, მათ ტერორისტული აქტის ჩადენაში ედებათ ბრალი, რაც რუსეთის სისხლის სამართლის კოდექსის მიხედვით, უვადო თავისუფლების აღკვეთით ისჯება.

რუსული სამთავრობო-პროპაგანდისტული მედია TASS-ის ინფორმაციით, სამმა ბრალდებულმა ყველა ბრალდება აღიარა.

როგორც მედია წერს, ოთხივე არის ტაჯიკეთიდან, ყოფილი საბჭოთა რესპუბლიკიდან და რუსეთში დროებითი ან ვადაგასული ვიზებით იმყოფებოდნენ.

შეგახსენებთ, რუსეთში, Crocus City Hall-ზე თავდასხმა 22 მარტს მოხდა. საკონცერტო დარბაზში რამდენიმე შეიარაღებულმა პირმა ცეცხლი ჯგუფ "პიკნიკის" კონცერტის დაწყებამდე გახსნა. ბოლო მონაცემებით, დაღუპულია 137 ადამიანი, დაშავებულია 182 პირი. ამ დრომდე სამედიცინო დაწესებულებებში 97 მოქალაქე რჩება.

ავტორი: ექსპრესნიუსი,

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა