"არარაობა პუტინი, იმის ნაცვლად, რომ დაკავდეს საკუთარი, რუსეთის  მოქალაქეებით და  მიემართა მათთვის, ერთი დღე დუმდა და ფიქრობდა, როგორ დაეკავშირებინა ეს ყველაფერი უკრაინასთან - ამის შესახებ, უკრაინის პრეზიდენტმა ვოლოდიმერ ზელენსკიმ საღამოს ვიდეომიმართვაში განაცხადა.

უკრაინის პრეზიდენტი ამ განცხადებით გამოეხმაურა, რუსეთის ოფიციალური პირების ბრალდებებს, თითქოს კროკუს სითი ჰოლში" ტერაქტის უკან უკრაინული მხარე დგას.

”მხოლოდ გუშინ მოხდა ეს ყველაფერი და ეს არარაობა პუტინი, იმის ნაცვლად, რომ დაკავდეს საკუთარი, რუსეთის  მოქალაქეებით და  მიემართა მათთვის, ერთი დღე დუმდა და ფიქრობდა, როგორ დაეკავშირებინა ეს ყველაფერი უკრაინასთან. ყველაფერი სრულიად პროგნოზირებადია.

ის ასიათასობით რუსი, რომლებიც ახლა უკრაინის მიწაზე იხოცებიან, ნამდვილად საკმარისი იქნებოდა ნებისმიერი ტერორისტის შესაჩერებლად. და თუ რუსები მზად არიან ჩუმად მოკვდნენ „კროკუსებში“ და არ დაუსვან კითხვები თავიანთ დაზვერვის სამსახურებს, პუტინი კიდევ არა ერთ ასეთ სიტუაციის შექმნის თავისი ხელისუფლების ძალაუფლებისათვის. -განაცხადა უკრაინის პრეზიდენტმა.

22 მარტის საღამოს კროკუს სითიჰოლის საკონცერტო დარბაზში სროლა მოხდა. რამდენიმე შეიარაღებულმა პირმა ცეცხლი გახსნა ავტომატური თოფებიდან. ტერაქტი ჯგუფ "პიკნიკის" კონცერტის დაწყებამდე იყო. სროლის დროს შენობაში შეიძლება 6200-მდე ადამიანი ყოფილიყო.

ბოლო მონაცემებით, ტერაქტის შედეგად 133 ადამიანი დაიღუპა, 140 დაშავდა. როგორც რია ნოვოსტი იუწყება მოსკოვის რეგიონის ჯანდაცვის დეპარტამენტის მონაცემებზე დაყრდნობით, მათგან 32 ამბულატორიულ დახმარებას გადის, 3 კი გაწერეს.

ავტორი: ექსპრესნიუსი,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა