საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა ევროკავშირის საბჭოს რუსეთის აქტივებიდან შემოსავლის უკრაინის დახმარებისთვის გამოყენების შეთავაზება წარუდგინა. ამის შესახებ ჯოზეფ ბორელი სოციალურ ქსელ X-ში წერს.

როგორც ბორელი აღნიშნავს, შესაბამის ინიციატივას საბჭო სწრაფად დაამტკიცებს.

„დღეს მე წარვუდგინე საბჭოს უმაღლესი წარმომადგენლის შეთავაზება, რუსული გაყინული აქტივებიდან შემოსავალი გამოყენებულ იქნას უკრაინის მხარდასაჭერად გამარჯვებისთვის ბრძოლაში. 90%-ის სახსრების გამოყოფა ევროპის მშვიდობის ფონდისა და 10%-ის ევროკავშირის ბიუჯეტის გავლით მოხდება. მოუთმენლად ველოდები საბჭოს მიერ მის სწრაფ დამტკიცებას. ეს იქნება ევროკავშირის ერთიანობის და უკრაინისა და მისი ხალხის მხარდაჭერის დემონსტრირება“, - წერს ბორელი.

ცნობისთვის, გუშინ, 19 მარტს, ჯოზეფ ბორელმა განაცხადა, რომ ევროკავშირმა ევროპაში გაყინული რუსული აქტივებიდან შემოსავლების 90% უნდა გადასცეს ევროკავშირის ფონდს, რომელიც უკრაინისათვის იარაღის მიწოდებას აფინანსებს.

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები