2024-03-20 15:16:47, 653 ნახვა
მსოფლიო
Reuters - დმიტრო კულება ინდოეთში ჩავა
უკრაინის საგარეო საქმეთა მინისტრი დმიტრო კულება მომავალ კვირაში ინდოეთში ჩავა. ამის შესახებ ინფორმაციას Reuters-ი ორ ინდოელ მაღალჩინოსანზე დაყრდნობით ავრცელებს.
სააგენტოს ცნობით, კულება ინდოეთში თავისი კოლეგის, ინდოეთის საგარეო საქმეთა მინისტრის, სუბრაჰმანიამ ჯაიშანკარის მიწვევით ჩადის.
აღსანიშნავია, რომ ეს ფართომასშტაბიანი ომის დაწყების შემდეგ უკრაინის ხელისუფლების მაღალი თანამდებობის პირის პირველი ვიზიტი იქნება ინდოეთში.
ავტორი: ექსპრესნიუსი,
epn.ge (@expressnews.ge)
