რუსეთმა გამოაქვეყნა პირველი ეგზიტპოლის შედეგები მას შემდეგ, რაც საარჩევნო უბნები დაიხურა მთელ ქვეყანაში. ამ გამოკითხვის შედეგების მიხედვით, ამჟამინდელი პრეზიდენტი ვლადიმერ პუტინი ხმების 87%-ს იღებს. თუ ეს მაჩვენებელი არ შეიცვლება, ეს იქნება პუტინის საუკეთესო შედეგი არჩევნებში მონაწილეობის მთელ ისტორიაში.

VTsIOM-ისა და FOM-ის ეგზიტპოლის შედეგები მოსკოვის დროით 21:00 საათზე გამოქვეყნდა - ამ დროისთვის რუსეთში საარჩევნო უბნები დაკეტილი იყო (თუმცა საზღვარგარეთ ხმის მიცემა ჯერ კიდევ მიმდინარეობდა).

VTsIOM ეგზიტპოლის მიხედვით, სახელმწიფოს ამჟამინდელი მეთაური, ვლადიმირ პუტინი, რომელიც მეხუთე ვადით მსახურობს, 87%-ით იმარჯვებს. FOM-ის ინფორმაციით, ის ლიდერობს 87,8%-ით.

წინა არჩევნებში, 2018 წელს, პუტინმა გაიმარჯვა 76,69%-ით. ანუ თუ VTsIOM-ის მონაცემები რეალობასთან ახლოსაა, წელს მისი მაჩვენებლები რეკორდული იქნება.

რუსეთის კონსტიტუციაში შეტანილი ცვლილებების წყალობით, პუტინი შეძლებს კიდევ ერთხელ მაინც იყაროს კანდიდატურა და დარჩეს ხელისუფლებაში 2036 წლამდე.

VTsIOM-ის გამოკითხვა ჩატარდა რუსეთის 69 რეგიონის 1400 საარჩევნო უბანზე. FOM-მა ეგზიტპოლი 82 რეგიონში 1320 საარჩევნო უბანზე ჩაატარა

ორივე ეგზიტპოლი მეორე ადგილს ანიჭებს რუსეთის ფედერაციის კომუნისტური პარტიის კანდიდატს ნიკოლაი ხარიტონოვს (VTsIOM-ის მიხედვით, მან მიიღო ხმების 4,6%, FOM-ის მიხედვით - 4,7%).

მესამე ადგილზეა „ახალი ხალხის“ კანდიდატი ვიაჩესლავ დავანკოვი (ხმების, შესაბამისად, 4,2% და 3,6%). ბოლო არის LDPR-ის ხელმძღვანელი, ლეონიდ სლუცკი - VTsIOM აძლევს მას ხმების 3%-ს, FOM - 2,5%.

ეს მონაცემები შეესაბამება ცენტრალური საარჩევნო კომისიის მიერ გამოქვეყნებულ წინასწარ შედეგებს.

ცენტრალური საარჩევნო კომისიის თავმჯდომარის, ელა პამფილოვას განცხადებით, პუტინი საპრეზიდენტო არჩევნებში ხმების 87,97%-ს იღებს. დანარჩენი კანდიდატების ადგილები, ამ შედეგების მიხედვით, ისე გადანაწილდა, როგორც VTsIOM-ისა და FOM-ის ეგზიტპოლში.

ვლადიმერ პუტინის გამარჯვება ამ არჩევნებში სრულიად პროგნოზირებადი იყო, რადგან მისი რეალური პოლიტიკური ოპონენტები ან გარდაცვლილები არიან, ციხეში ან გადასახლებაში, ან არ აქვთ უფლება მონაწილეობა მიიღონ

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები