2024-03-15 19:57:09, 870 ნახვა
მსოფლიო
თურქეთში, ჩანაქკალეს პროვინციის სანაპიროსთან მიგრანტების ნავი ჩაიძირა - დაიღუპა 22 ადამიანი
თურქეთის ჩანაქკალეს პროვინციის სანაპიროსთან მიგრანტების ნავი ჩაიძირა, რასაც 22 ადამიანი ემსხვერპლა, მათ შორის შვიდი ბავშვი. ამის შესახებ ინფორმაციას პროვინციის გუბერნატორი ავრცელებს.
გუბერნატორის ცნობით, ორი ადამიანი სანაპირო დაცვის სამსახურმა გადაარჩინა, ორმა კი ნაპირზე გამოსვლა თავად შეძლო. ადგილობრივი მთავრობის ცნობით, ადგილზე სამაშველო-სამძებრო ოპერაცია გრძელდება.
სამძებრო-სამაშველო ოპერაციაში ჩართულია თვითმფრინავი, ორი ვერტმფრენი და 18 ხომალდი. ჯერჯერობით უცნობია, რამდენი მიგრანტი იმყოფებოდა რეზინის ნავში.
ავტორი: ექსპრესნიუსი,
epn.ge (@expressnews.ge)
