დღეს პრემიერ-მინისტრს ჰკითხეს, ეს ხომ არ არის ჟურნალისტების გაჩუმების მცდელობა - სიცრუის აკრძალვის მცდელობაა ეს და არა მხოლოდ მცდელობა, შედეგიც იმიტომ, რომ ჟურნალისტების ნაწილი მიეჩვია იმას, რომ მოიტყუება და გატარდა ეს თემა. ალბათ, ცოტა მეტი დრო რომ მქონდეს, ყველა ჩვენგანმა ყოველ დღე უნდა ვიზრუნოთ იმაზე, რომ დავსხდეთ და ეს ტყუილები ვამხილოთ,- ასე უპასუხა საპარლამენტო უმრავლესობის ლიდერმა, მამუკა მდინარაძემ. ჟურნალისტის კითხვას, სააპელაციო სასამართლოს მიერ პრემიერ-მინისტრის დედის, თამარ ზაალიშვილის სარჩელზე „ტვ პირველის“ გამამტყუნებელი გადაწყვეტილების ძალაში დატოვების შესახებ. 

მდინარაძის თქმით, „თამარ ზაალიშვილმა „ტვ პირველი“ სიცრუეში კიდევ ერთხელ ამხილა".

„ქალბატონმა, რომელსაც ძალიან კარგად ვიცნობ და რომელიც არის უპატიოსნესი ადამიანი და ზეპროფესიონალი თავისი საქმის, არ დატოვა უყურადღებოდ ეს საკითხი და ძალიან კარგიც ქნა, რომ კიდევ ერთხელ ამხილა „ტვ პირველი“ იმ სიცრუეში, რასაც კადრულობენ დღენიადაგ, რაც იკადრეს აგერ შაბათს და როგორი მოკლე ფეხი აღმოაჩნდა ამ ტყუილს ცესკოს თავმჯდომარესთან მიმართებაშიც, სამდღიანი ტყუილი აღმოჩნდა და გაირკვა, რომ თურმე ყველაფერი წესრიგშია, თურმე იტყუება კვლავ „ტვ პირველი“, რაც გაუკეთებია არაერთხელ და ეს ხანდახან უნდა ვამხილოთ მართლაც. თუმცა, ძალიან ხშირად ხდება ისე, რომ გატარება გვიწევს ხოლმე ამ საკითხების იმიტომ, რომ ყოველდღე იტყუებიან და ყოველდღე საჩივრებს ხომ არ დავუწერ, მაგრამ ძალიან დიდი პასუხისმგებლობაა, ის რომ დაჯდე, დაამუშაო სარჩელი და ამხილო ეს ხალხი ამ ტყუილში და იმ ძალიან ცუდ საქციელში, რაც ამ ტყუილს მოსდევს ხოლმე და რისი კამპანიებიც აქვთ დალაგებული“,- თქვა მდინარაძემ.

ავტორი: NS (სტატია დაფინანსებულია),

სოციალური ქსელები

პირველკლასელების სასკოლო ფორმებზე თიბისის მოსწავლის ბარათის შეთავაზებები გრძელდება

BOG-ის მხარდაჭერით, 25 სექტემბერს UWC-ის სტიპენდიებზე საინფორმაციო ვებინარი გაიმართება

რა საერთო აქვს ქართულ კინოს, სკოლის გაკვეთილებსა და ფინანსების მართვას?

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ