გლდანის რაიონის გამგეობა კიდევ ორი ქუჩის მოწესრიგებას იწყებს - საგზაო ინფრასტრუქტურული სამუშაოების ფარგლებში ამჯერად, სოფელ გლდანში, თავდადებულის, ყაზბეგისა და ჩოლოყაშვილის ქუჩები მოწესრიგდება. ამის შესახებ ინფორმაციას გლდანის რაიონის გამგეობა ავრცელებს.

გამგეობის ცნობით, ყაზბეგის ქუჩაზე, 1 550 კვადრატულ მეტრამდე ფართობზე ასფალტის საფარი დაიგება.

"აღნიშნულისთვის, დაახლოებით, 455 000 ლარი დაიხარჯება. ჩოლოყაშვილის ქუჩაზე 1 200 კვადრატულ მეტრ ფართობზე მოეწყობა ასფალტის საფარი, რისთვისაც დაახლოებით, 83 000 ლარი არის გათვალისწინებული. დემეტრე თავდადებულის ქუჩაზე კი, 1 000 კვადრატულ მეტრამდე ფართობზე ბეტონის გზა მოეწყობა. სამუშაოებისთვის, დაახლოებით, 80 000 ლარი დაიხარჯება.

ამასთან, გასულ წელს ყაზბეგის ქუჩაზე 721 გრძივ მეტრზე წყალარინების ქსელი მოეწყო, სამუშაოებისთვის 167 500 ლარი დაიხარჯა. 

გლდანის რაიონის გამგებლის მოვალეობის შემსრულებელი ბესიკ კალაძე აღნიშნული ქუჩების მოსახლეობას შეხვდა და სამუშაოების დაწყების შესახებ ინფორმაცია მიაწოდა",- ნათქვამია გამგეობის ინფორმაციაში.

ავტორი: NS (სტატია დაფინანსებულია),

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა