თალაკვაძე - პრემიერის გადაწყვეტილება ონკოლოგიური დიაგნოზის მქონე ბავშვებისთვის საქართველოსა და საზღვარგარეთის კლინიკებში მკურნალობის დაფინანსებაზე წინგადადგმული ნაბიჯია

2023-07-11 11:53:50, 652 ნახვა

საზოგადოება

პრემიერ-მინისტრის გადაწყვეტილება და ჯანდაცვის სამინისტროს ახალი პროგრამა ონკოლოგიური დიაგნოზის მქონე ყველა ბავშვისთვის საქართველოსა და საზღვარგარეთის კლინიკებში მკურნალობის დაფინანსებაზე, დიდი, წინგადადგმული ნაბიჯია,- ამის შესახებ "ქართული ოცნების" დეპუტატი არჩილ თალაკვაძე სოციალურ ქსელში წერს.

თალაკვაძის განცხადებით, ევროპული ჯანდაცვა ხელმისაწვდომ და ხარისხიან ჯანდაცვას ნიშნავს.

"გარდა ემოციური სტრესისა, ასეთი ხარჯების გადახდა ნებისმიერი ოჯახისთვის მძიმე ფინანსური შოკი იყო და მისასალმებელია, რომ მთავრობამ ამ პრობლემის გადასაჭრელად, პრინციპული გადაწყვეტილება მიიღო.

ევროპული ჯანდაცვა, პირველ რიგში ხელმისაწვდომ და ხარისხიან ჯანდაცვას ნიშნავს,- წერს თალაკვაძე "ფეისბუქის" ოფიციალურ გვერდზე.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),