საქართველოს გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი პარიზის საერთაშორისო ფორუმს „დავასრულოთ პლასტიკით დაბინძურება ქალაქებში“ დაესწრო. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათი ცნობით, ფორუმის ფარგლებში, სოლომონ პავლიაშვილმა ორ თემატურ დისკუსიაში: პლასტიკის მდგრადი წარმოება/გამოყენება და პლასტიკით დაბინძურების პრევენცია მიიღო მონაწილეობა.

მათივე ცნობით, მინისტრის მოადგილემ ვრცლად ისაუბრა პლასტიკით დაბინძურების პრევენციის მიმართულებით საქართველოში მიმდინარე აქტივობებზე და ხაზი გაუსვა ქვეყნის მზაობის საკითხს ცირკულარული მართვის მიდგომების დანერგვასთან დაკავშირებით.

„საქართველოს მთავრობამ, პლასტიკის ნარჩენების პრევენციის მიმართულებით ევროკავშირის შესაბამის დირექტივებთან ქართული კანონმდებლობის დასაახლოვებლად  მნიშვნელოვანი ნაბიჯები გადადგა.  კავკასიის რეგიონში საქართველომ ერთ-ერთმა პირველმა მიიღო გადაწყვეტილება პლასტიკის პარკების აკრძალვასთან დაკავშირებით. აქტიურად ვმუშაობთ პლასტიკის ნაკადების შეფასების, ალტერნატიული წყაროების იდენტიფიცირების და ერთჯერადი გამოყენების პლასტიკის აკრძალვის მიმართულებით“, - განაცხადა გარემოს დაცვისა და სოფლის მეურნეობის მინისტრის მოადგილემ სოლომონ პავლიაშვილმა.

„აღსანიშნავია, რომ 2022 წლის მარტში, გაეროს გარემოს დაცვის ასამბლეამ (UNEA) რეზოლუცია „დაასრულე პლასტიკური დაბინძურება“ მიიღო, რომელიც მიზნად ისახავს პლასტიკით დაბინძურების წინააღმდეგ ბრძოლის საერთაშორისო შეთანხმების შემუშავებას.

ფორუმში, მსოფლიო მასშტაბით, გარემოს დაცვის მიმართულების მაღალი რანგის თანამდებობის პირები, ასევე,  გაეროს გარემოს დაცვის პროგრამის წარმომადგენლები მონაწილეობდნენ“,- აღნიშნულია გარემოს დაცვისა და სოფლის მეურნეობის სამინისტროს ინფორმაციაში.

ავტორი: NS (სტატია დაფინანსებულია),

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს