NATO-ს საპარლამენტო ასამბლეამ რუსეთის მიერ უკრაინის წინააღმდეგ ჩადენილი დანაშაულები გენოციდად აღიარა, ხოლო ტერორისტული რეჟიმი რუსეთში რასისტულად,- აღნიშნულის შესახებ NATO-ს საპარლამენტო ასამბლეაში უკრაინის მუდმივი დელეგაციის ხელმძღვანელმა, იეგორ ჩერნევმა განაცხადა.

ჩერნევის განცხადებით, ლუქსემბურგში ასამბლეის სესიაზე მიღებულ იქნა დეკლარაცია, რომელიც ასახავს NATO-ს ქვეყნების პარლამენტარების მხარდაჭერას საერთაშორისო ტრიბუნალის მიმართ, რათა უკრაინას დახმარება გამარჯვებამდე და გამარჯვების შემდეგ გაუწიოს.

"ლუქსემბურგში ასამბლეის ამ სესიაზე, ჩვენ მოვახერხეთ ძალიან ძლიერი დეკლარაციის მიღება, რომელსაც დიდი პოლიტიკური შედეგი ექნება",- განაცხადა ჩერნევმა.

გარდა ამისა, დოკუმენტი ასევე აღიარებს რუსეთის დანაშაულებს უკრაინის წინააღმდეგ, როგორც გენოციდს, გმობს რაშიზმის იდეოლოგიას, მხარს უჭერს ტერიტორიული მთლიანობის აღდგენას, სანქციებს, რეპარაციებსა და უკრაინის „მარშალის გეგმას“.

მისივე თქმით, ასამბლეამ ასევ მოუწოდა მათი ქვეყნების მთავრობებს, ვილნიუსის სამიტზე ღიად გამოაცხადონ, რომ უკრაინა NATO-ს ალიანსის წევრი გახდება.

"ეს არის ჩვენი დიპლომატიური გამარჯვება. ყველა ჩვენი მთავარი სურვილი დეკლარაციის საბოლოო ტექსტთან დაკავშირებით გათვალისწინებულია",- დასძინა ჩერნევმა.

ავტორი: ექსპრესნიუსი,

სოციალური ქსელები

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს

ბათუმში, ტრადიციულად წვიმის შედეგად ქუჩები დაიტბორა

მიხეილ სარჯველაძე აცხადებს, რომ ინტოქსიკაციის ნიშნებით, 100-ზე მეტი ბავშვის ჰოსპიტალიზება გახდა აუცილებელი