ვის აინტერესებს არახამია, რომელმაც ქართული არ იცის, დაბადებულია რუსეთში, გაზრდილია რუსეთში და თავის წინაპრებსაც პატივს არ სცემს,- ამის შესახებ "ქართული ოცნების" დეპუტატმა, ირაკლი ზარქუამ უკრაინის უზენაესი რადას ფრაქცია „ხალხის მსახურის“ ლიდერთან, დავით არახამიასთან დაკავშირებით განაცხადა.

როგორც ზარქუამ მედიის წარმომადგენლებთან საუბრისას აღნიშნა, უკრაინა არახამიას გაასამართლებს, რადგან ის ქვეყნის ინტერესებს არ იცავს.

"რაც შეეხება არახამიას, ვწუხვარ, რომ დროს მაკარგვინებთ ამ ხელმოცარულზე - საკუთარ პარტიაშიც კი, სადაც არის ხელისუფლებაში, პრეზიდენტმა გაუუქმა ვიზები  - სახელმწიფოს ხარჯზე დაფრინავო ევროპაში უსაქმურადო - ამას, გონჩარენკოს და კიდევ რამდენიმეს. ახლა ეს ხელმოცარული ჰყავთ ოპოზიციურ არხებს ექსპერტად. ვის აინტერესებს არახამია, რომელმაც ქართული არ იცის, დაბადებულია რუსეთში, გაზრდილია რუსეთში და თავის წინაპრებსაც პატივს არ სცემს.

თქვენ გგონიათ, ეს საქართველოსთვის და ქართველებისთვის იბრძვის?! მას რომ რეალურად სამშობლოს რომ უწოდებს - უკრაინა უყვარდეს, ერთხელ გინახავთ ხელში ფრონტის ხაზზე? ბახმუტში ჩასული გინახავთ? ან ამისთვის სცალია, რომ საქართველოს შიდა საქმეებში ჩაერიოს?

ეს არის "ნაცმოძრაობის", მათი სატელიტი არასამთავრობოებისა თუ ტელევიზიების საყვარელი რესპონდენტი, რომელსაც ნული აქვს ავტორიტეტი. იცით, როგორ კარგად ვხედავ, როგორ გაასამართლებენ არახამიას და ასეთ ნაძირლებს უკრაინელები იმიტომ, რომ უკრაინის ინტერესებს ისინი არ ემსახურებიან",- ამბობს ირაკლი ზარქუა.

შეგახსენებთ, უკრაინის უზენაესი რადას ფრაქცია „ხალხის მსახურის“ ლიდერმა, დავით არახამიამ "ფეისბუქის" ქართულენოვანი გვერდი შექმნა და ქართულ ენაზე პირველი განცხადებაც გამოაქვეყნა. 

"დავეხმარები საქართველოს უფსკრულის შეძლებისდაგვარად სწრაფად გადალახვაში",- წერს არახამია.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს