„ქართულმა ოცნებამ“ იმდენად საფრთხედ აღიქვა საგამოძიებო კომისიის შექმნა სასამართლო სისტემის შესწავლისთვის, რომ მზად იყო, კონსტიტუციაც დაერღვია, - ამის შესახებ ოპოზიციონერმა დეპუტატმა, ხათუნა სამნიძემ საზოგადოებრივი მაუწყებლის ეთერში განაცხადა.

მისივე თქმით, საგამოძიებო კომისიამ უკვე აჩვენა ის, რისი ჩვენებაც ოპოზიციას სურდა, თუ როგორ გადაეაა მმართველი პარტია სასამართლოს კლანს, მათ ნათლად გამოაჩნეს, რომ არ აქვთ სურვილი, რომ სიმართლე გამოჩნდეს.

„ქართული ოცნება“ გადაეფარა სასამართლო კლანს; „ქართულ ოცნებას“ არ უნდა, რომ ამ კომისიამ იმუშაოს და დავადგინოთ, მართალს ამბობს „ქართული ოცნება“, თუ მართალს ამბობს ოპოზიცია. ჩვენ ხომ არ ვამბობთ, რომ დასკვნას წინასწარ ვაკეთებთ? ჩვენ ვამბობთ, რომ შევისწავლოთ ერთობლივად“, - განაცხადა სამნიძემ.

ცნობისთვის, მოსამართლეებთან დაკავშირებით, დროებითი საგამოძიებო კომისიის შექმნას საპარლამენტო ოპოზიცია ითხოვს. აღნიშნული საკითხი დღის წესრიგში მას შემდეგ დადგა, რაც ამერიკის შეერთებულმა შტატებმა 5 აპრილს მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სასამართლო სისტემაში კორუფციის შემსწავლელი დროებითი საგამოძიებო კომისიის შექმნის საკითხი კენჭისყრაზე 3-ჯერ ჩავარდა, რადგან "ქართული ოცნების" დეპუტატებმა რეგისტრაცია არ გაიარეს.

ავტორი: ექსპრესნიუსი,

სოციალური ქსელები

აქტივისტი სერგი ყანჩაველი - ფიზიკური თუ სიტყვიერი შეურაცხყოფის და ასევე სქესობრივი იძულების კვალდაკვალ მიხსენიებდნენ აკაცუკად

ირაკლი კობახიძე ირაკლი ღარიბაშვილის გზავნილებს ქვეყნის იზოლაციაზე ნაცურს უწოდებს

სარჯველაძე: 35 000-მდე ოჯახს შეუწყდა საარსებო შემწეობა, უმრავლესობის მდგომარეობა გაუმჯობესდა

საია: ადვოკატს არ მისცეს დავითაძესთან შეხვედრისას გაკეთებული ჩანაწერების გატანის უფლება