2023-04-13 19:20:09, 1403 ნახვა
ომი უკრაინაში
შვეიცარიის საგარეო საქმეთა მინისტრის თქმით, შვეიცარია მზადაა უკრაინას 1,7 მილიარდი დოლარი გამოუყოს
შვეიცარიის მთავრობა მზადაა უკრაინას გრძელვადიანი ფინანსური დახმარება გაუწიოს. ამის შესახებ ინფორმაციას შვეიცარული მედია ავრცელებს.
შვეიცარიის საგარეო საქმეთა მინისტრმა იგნაზიო კასისმა განაცხადა, რომ შვეიცარია უკრაინას 2028 წლამდე 1,7 მილიარდ დოლარს გამოუყოფს.
აღნიშნულია, რომ ეს მხარდაჭერა იქნება საერთაშორისო თანამშრომლობის საერთო სტრატეგიის ფარგლებში.
2023-2024 წლებში უკრაინა შვეიცარიისგან 335 მილიონ დოლარზე მეტს, ხოლო 6 წლის განმავლობაში სულ მცირე 1,7 მილიარდ დოლარს მიიღებს.
ავტორი: ექსპრესნიუსი,
epn.ge (@expressnews.ge)
