გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა უკანონო ტყითსარგებლობის 2 ფაქტი გამოავლინეს. ამის შესახებ ინფორმაციას თავად უწყება ავრცელებს.

გარემოსდაცვითი ზედამხედველობის დეპარტამენტის ცნობით, ხარაგაულის მუნიციპალიტეტის სოფელ გედსამანიაში, მოქალაქეს, საცხოვრებელი სახლის ეზოში განთავსებული ჰქონდა ლენტური ტიპის არარეგისტრირებული სახერხი საამქრო. ტერიტორიიდან ამოღებულია კაკლის სახეობის  7 ერთეული მრგვალი ხე-ტყე (მორი) და თხმელას (მურყანი) სახეობის  0,4 კუბური მეტრი მოცულობის პირველადი გადამუშავების პროდუქტი (ფიცარი). 

ლენტეხის მუნიციპალიტეტის სოფელ ხელედში კი, სახერხი საამქროს ტექნიკური რეგლამენტის დარღვევის ფაქტი გამოვლინდა. ტერიტორიიდან ამოღებულია 20 ერთეული წიწვოვანი სახეობის მრგვალი ხე-ტყე (მორი). 

ვინაიდან ორივე ფაქტი შეიცავს სისხლის სამართლის დანაშაულის ნიშნებს, მასალები, შემდგომი რეაგირების მიზნით, შესაბამის უწყებებში გადაიგზავნა.

ავტორი: NS (სტატია დაფინანსებულია),

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს