გაერო-ს უშიშროების საბჭოში რუსეთის თავმჯდომარეობა საერთაშორისო ინსტიტუტების სრულ გაკოტრებას ადასტურებს,- ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

როგორც სახელმწიფოს მეთაურმა ტრადიციულ ვიდეომიმართვაში აღნიშნა, არ არსებობს ტერორის ისეთი ფორმა, რომელიც რუსეთს ჯერ არ განუხორციელებია.

"დღეს, ტერორისტმა სახელმწიფომ გაერო-ს უშიშროების საბჭოში თავმჯდომარეობა დაიწყო. გუშინ, რუსეთის არმიამ კიდევ ერთი უკრაინელი ბავშვი მოკლა - ხუთი თვის ბიჭი, მას დანიილი ერქვა... რუსული არტილერია და ამავდროულად, რუსეთი გაერო-ს უშიშროების საბჭოში თავმჯდომარეობს. ეს არის რთული რამის წარმოდგენა, რაც უფრო მეტად ადასტურებს ასეთი ინსტიტუტების გაკოტრებას... ტერორის თანამონაწილეების დაბლოკვა, ტერორისტული სახელმწიფოს იზოლირება, მისი დამარცხება და სასამართლო პროცესები - ეს ელის ყველას, ვინც დაიწყო და აწარმოებს ომს უკრაინისა და საერთაშორისო წესრიგის წინააღმდეგ",- აცხადებს უკრაინის პრეზიდენტი.

შეგახსენებთ, 2023 წლის 1-ელი აპრილიდან რუსეთის ფედერაცია ერთი თვით გაერო-ს უშიშროების საბჭოს თავმჯდომარე გახდა. რუსეთი საბჭოს თავმჯდომარე ბოლოს 2022 წლის თებერვალში იყო, როდესაც უკრაინაში სრულმასშტაბიანი ომი წამოიწყო.

ავტორი: ექსპრესნიუსი,

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს