უკრაინის პრეზიდენტმა, ვოლოდიმირ ზელენსკიმ ჩინეთის ლიდერი სი ძინპინი კიევში მიიწვია. ამის შესახებ ზელენსკიმ Associated Press-სთან ინტერვიუში განაცხადა.

უკრაინის პრეზიდენტის თქმით, რუსეთის სრულმასშტაბიანი შემოჭრის დაწყების შემდეგ, ჩინეთის ლიდერთან კონტაქტი არ ჰქონია, ამიტომ სურს, რომ სი ძინპინი უკრაინას ეწვიოს.

"ჩვენ მზად ვართ, ვიხილოთ ის აქ. მსურს მასთან საუბარი. სრულმასშტაბიანი ომის დაწყებამდე მქონდა მასთან შეხება, მაგრამ მთელი ამ წლის განმავლობაში, ერთ წელზე მეტი ხნის განმავლობაში, არ მქონია", - განაცხადა ზელენსკიმ. 

როგორც  Associated Press-ი წერს, ჩინეთის ლიდერის, სი ძინპინის რუსეთის ფედერაციაში ვიზიტის შემდეგ, გაჩნდა პერსპექტივა, რომ პეკინი, შესაძლოა, მზად იყოს, მოსკოვს მიაწოდოს იარაღი და საბრძოლო მასალა, რომელიც მას ამოწურული მარაგის შესავსებად სჭირდება.

შეგახსენებთ, რომ სი ძინპინი მოსკოვს ოფიციალური ვიზიტით 20 მარტს ეწვია. სამდღიანი ვიზიტის ფარგლებში, ჩინეთის ლიდერმა შეხვედრა რუსეთის პრეზიდენტთან, ვლადიმერ პუტინთან გამართა.

ავტორი: ექსპრესნიუსი,

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა