ჩინურმა კომპანიებმა რუსეთს 1 000 შაშხანა და სხვა სამხედრო აღჭურვილობა გაუგზავენს, რომელებიც სამხედრო მიზნებისთვის შეიძლება იყოს გამოყენებული, მათ შორის დრონების ნაწილები და ჯავშანჟილეტები. აღნიშნულის შესახებ ინფორმაციას გამოცემა Politico ImportGenius-ის მონაცემებზე დაყრდნობით ავრცელებს. 

გამოცემის ცნობით, მიმწოდებლებს შორის არის ჩინეთის მთავრობასთან მჭიდროდ დაკავშირებული, ჩინეთის ერთ-ერთი უმსხვილესი სახელმწიფო თავდაცვის კონტრაქტორი კომპანია, China North Industries Group Corporation Limited-ი.

"შეიარაღებას შორის, რომლებიც რუსულ კომპანიას გადაეცა, CQ-A ტიპის საბრძოლო შაშხანებიც არის, რომლებიც ამერიკული M-16-ის მოდელის მიხედვითაა შექმნილი, მაგრამ დოკუმენტში მოხსენიებულია როგორც სამოქალაქო სანადირო იარაღი. 

ამასთან ერთად, ჩინეთმა რუსეთში დრონების ნაწილების 12 პარტია და 12 ტონა ჯავშანჟილეტები თურქეთის გავლით გააგზავნა",- წერს გამოცემა. 

გამოცემის ცნობითვე, ეს პირველი დადასტურებული ინფორმაციაა იმის შესახებ, რომ ჩინეთი რუსეთს საბრძოლო იარაღებს აწვდის.

როგორც ვაშინგტონში ჩინეთის საელჩოში აცხადებენ, ეს კრიზისი ჩინეთს არ შეუქმნია და სამხედრო შეიარაღება ომის მონაწილე არცერთი ქვეყნისთვის არ გაუგზავნია.

ავტორი: ექსპრესნიუსი,

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა