რუსეთსა და ევროკავშირს შორის მანევრირება არ არის გზა რეალური ევროპული ინტეგრაციისკენ, - პოლონელი ევროპარლამენტარი ანდჟეი ჰალიცკი საქართველოს ხელისუფლებასა და ბიძინა ივანიშვილს მიმართავს. 

როგორც ევროპარლამენტარი Twitter-ზე წერს, ევროკავშირი "დივერსიულ ჯაშუშურ ქსელად" მოხსენიებას ვერ შეეგუება.

"დაე, ივანიშვილმა და "ქართული ოცნების" მთავრობამ მოგვისმინოს: რუსეთსა და ევროკავშირს შორის მანევრირება არ არის გზა რეალური ევროპული ინტეგრაციისკენ.

საქართველოს მომავალი თქვენს ხელშია, მაგრამ ნუ გაგიკვირდებათ, ევროკავშირის "დივერსიულ ჯაშუშურ ქსელად" მოხსენიებას რომ ვერ შევეგუებით",- წერს ანდჟეი ჰალიცკი.

ცნობისთვის, ევროპარლამენტმა 14 მარტს საქართველოში მიმდინარე მოვლენებს დებატები მიუძღვნა. განხილვა შეეხო ქვეყნისთვის ევროკავშირის კანდიდატის სტატუსის მინიჭებას, ხალხის არჩევანსა და მმართველი პარტიის პოზიციებს. ევროპარლამენტარმა არა ერთხელ ახსენეს დეოლიგარქიზაციის საკითხი და მიხეილ სააკაშვილის ჯანმრთელობის მდგომარეობა. 

ავტორი: ექსპრესნიუსი,

სოციალური ქსელები

გორდულაძე – ევროპარლამენტმა უსაფუძვლო და თავდასხმაზე ორიენტირებული რეზოლუციები ცხრაჯერ გაისროლა და ცხრაჯერვე ააცილა

ირაკლი ნადირაძე - ივანიშვილის რუსულ, ავტოკრატიულ რეჟიმთან არც საპროცესო შეთანხმებას და არც შეწყალების თხოვნას არათუ არ ვაპირებ, არც კი განვიხილავ

გიორგი შარაშიძე – ქართული ოცნების ლიდერებმა საკუთარ თავს მოჰკითხონ, რატომ დგება დღის წესრიგში მათი დასანქცირების საკითხი

თურქეთში, საქართველოს საზღვართან ახლოს, სატვირთო მანქანების სადგომზე მეწყერი ჩამოწვა, რასაც მსხვერპლი მოჰყვა