2023-03-05 18:52:01, 1694 ნახვა
ომი უკრაინაში
რუსმა ოკუპანტებმა ხერსონში საცხოვრებელი კორპუსი დაბომბეს - დაიღუპა ქალი და ორი ბავშვი
რუსმა ოკუპანტებმა ხერსონის რაიონის სოფელი პონიატივკა დაბომბეს, არის მსხვერპლი. ამის შესახებ ინფორმაციას უკრაინის პრეზიდენტის აპარატის ხელმძღვანელი ანდრეი ერმაკი ავრცელებს.
მისივე განცხადებით, რუსებმა საცხოვრებელი კორპუსი მიზანმიმართულად დაბომბეს, რის შედეგადაც 3 ადამიანი დაიღუპა.
"ხერსონის რაიონის სოფელ პონიატივკაში ნაღმმტყორცნებიდან სროლა მოხდა, რომელიც კერძო საცხოვრებელ კორპუსს დაეჯახა. დაიღუპა 3 ადამიანი - ერთი ქალი და ორი ბავშვი.
მტერი მიზანმიმართულად დაესხა თავს საცხოვრებელ კორპუსს, რომელშიც მშვიდობიანი ხალხი იმყოფებოდა“, - წერს ანდრე ერმაკი Telegram-ზე.
ავტორი: ექსპრესნიუსი,
epn.ge (@expressnews.ge)
