საქართველოს მესამე პრეზიდენტის უფლებადამცველის, შალვა ხაჭაპურიძის განცხადებით, დაცვის მხარე პენიტენციური სამსახურისა და კლინიკა "ვივამედის" წინააღმდეგ, პროკურატურაში სარჩელის შეტანას გეგმავს.

ხაჭაპურიძის თქმით, საგამოძიებო ორგანოს იუსტიციის მინისტრის წინააღმდეგ სისხლის სამართლის საქმის აღძვრის მოთხოვნითაც მიმართავენ.

"დაცვის მხარე ელოდება თბილისის სააპელაციო სასამართლოს. უკვე მეოთხე თუ მეხუთე დღეა, რაც საქმე შესულია სასამართლოში, თუმცა პროცესი არ ჩანიშნულა. დღეს, იმედია, გაირკვევა როდის იქნება პროცესი. ეს არის გაჭიანურება, რა თქმა უნდა, მომაკვდავი პატიმრის საქმის. ჯერ, როგორც ჩანს, არ მიუღიათ დირექტივა ზევიდან იმასთან დაკავშირებით, თუ რა უნდა გააკეთონ. დღეს, შევიტანთ პროკურატურაში საჩივარს "ვივამედთან" და პენიტენციურ სამსახურთან დაკავშირებით გაყალბებულ ოქმებზე, არაადეკვატურ მკურნალობასა და მთელ რიგ დარღვევებზე, რომლებიც ამ კლინიკისა და პენიტენციური სამსახურის მიერ იქნა დაშვებული. ასევე, დამატებით შევიტანთ განცხადებას, აღიძრას სისხლის სამართლის საქმე და დაიწყოს გამოძიება იუსტიციის მინისტრის და სხვა მაღალი თანამდებობის პირების მიმართ, რომლებიც აკეთებენ არაადამიანურ, დამამცირებელ განცხადებებს სააკაშვილის მიმართ", - განაცხადა შალვა ხაჭაპურიძემ ჟურნალისტებთან საუბრისას.

ავტორი: ექსპრესნიუსი,

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს