რუსეთს შეუძლია ომი მოიგოს, თუ დასავლეთი უკრაინას სასწრაფოდ არ მიაწვდის ყველა საჭირო იარაღს, - ამის შესახებ პოლონეთის პრეზიდენტმა ანჯეი დუდამ ფრანგ ჟურნალისტებთან ინტერვიუში განაცხადა .

მისი აზრით, დასავლეთი ბოლომდე არ აცნობიერებს რუსეთისგან წარმოქმნილ საფრთხეს. 

"როდესაც ემანუელ მაკრონი საუბრობს პუტინზე, მან შეიძლება იფიქროს, რომ შესაძლებელია შეთანხმების მიღწევა, მაგრამ მე ვფიქრობ, რომ შეუძლებელია პუტინთან შეთანხმება. ვფიქრობ, ერთადერთი, რაც შეიძლება გაკეთდეს რუსეთის შესაჩერებლად, არის უკრაინის მხარდაჭერა,"- თქვა დუდამ.

პოლონეთის პრეზიდენტმა ასევე დასძინა, რომ რუსეთი შეწყვეტს უკრაინის ტერიტორიის დაპყრობას ათიათასობით ჯარისკაცის დაკარგვის შემდეგ. 

„მათ არ აქვთ თანამედროვე სამხედრო ინფრასტრუქტურა, მაგრამ ჰყავთ ხალხი! თუ უახლოეს კვირებში უკრაინაში სამხედრო ტექნიკას არ გავგზავნით, პუტინი გაიმარჯვებს. მას შეუძლია გაიმარჯვოს და ჩვენ არ ვიცით სად გაჩერდება",- განაცხადა დუდამ.

ცნობისთვის, ბრიტანული დაზვერვის მონაცემებით, რუსეთმა ბოლო კვირების განმავლობაში ომის დაწყებიდან რეკორდული დანაკარგი განიცადა . ბოლო შვიდი დღის საშუალო მაჩვენებელი ოთხჯერ აღემატება 2022 წლის ივნის-ივლისის მაჩვენებელს.

ავტორი: ექსპრესნიუსი,

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა