საუბარი, რომ არჩევნებს აზრი არ აქვს, არის პირდაპირი გაგებით ჩვენი ქვეყნის მომავლის მტრის წისქვილზე, ივანიშვილის რეჟიმზე წყლის დასხმა, - ამის შესახებ "ევროპული საქართველოს" თავმჯდომარემ, გიგა ბოკერიამ "TV პირველის" ეთერში განაცხადა.

მისივე თქმით, ოპოზიციას 2024 წლისთვის ექნება ის შესაძლებლობა, რომ არჩევნებში გამარჯვება მოიპოვოს და თუ მმართველი პარტია კვლავ შეეცდება მანიპულაციის გზით არჩევნების შედეგების შეცვლას, საზოგადოება მზად უნდა იყოს, რომ შექმნას ის ატმოსფერო, რაც უკრაინაში მაიდანის დროს იყო.

"მეც ვუშვებ და დიდ საფრთხეს ვხედავ, რომ ამ ტიპის რეჟიმმა გაწიოს წინააღმდეგობა კვლავ და ცადოს არმიღება საარჩევნო მარცხის. ჩვენ ვნახეთ 2020 წელს, რომ მანიპულაციებით მოგებული და წაგებული შეცვალა, ეს სრულიად რეალისტურია, რომ ასე მოხდეს. მაგრამ ყველაზე მოკლე გზა არის, ახლა როგორც ჩანს, იმხელა უპირატესობის მოპოვება 2024-ში, ბევრად მეტის ვიდრე იყო 2020-ში, რომ ამის გაკეთება იყოს ძალიან ძნელი და თუ მაინც გარისკავს, მაგ მომენტისთვისაც უნდა იყოს ის ატმოსფერო, რაც იყო უკრაინაში მაიდნის დროს. ეს არ არის სასურველი, მაგრამ ამისთვის უნდა ვიყოთ მზად. თუ არ ვიქნებით მზად, ახლავე საუბარი, რომ არჩევნებს აზრი არ აქვს, არის პირდაპირი გაგებით ჩვენი ქვეყნის მომავლის მტრის წისქვილზე, ივანიშვილის რეჟიმზე წყლის დასხმა. და ჩვენ, ევროპული საქართველო ამის საწინააღმდეგო კამპანიას ვეწევით", - განაცხადა ბოკერიამ.

ავტორი: ექსპრესნიუსი,

სოციალური ქსელები

სახალხო დამცველის აპარატი - გიორგი დავითაძის ადვოკატის ინფორმაცია, თითქოს სახალხო დამცველის რწმუნებულმა მსჯავრდებულს ექსპერტიზის ჩატარების მიზანშეუწონლობის შესახებ რჩევა მისცა, არ შეესაბამება სინამდვილეს

ეროვნული ბანკი პროკურატურის მიერ ნანა ყეინიშვილის მიმართ გამოძიების დაწყებასთან დაკავშირებით განცხადებას ავრცელებს

პროკურატურამ ეროვნული ბანკის საბჭოს წევრის ნანა ყეინიშვილის წინააღმდეგ გამოძიება დაიწყო

ქვემო ქართლის პოლიციამ ქორწინების იძულების ბრალდებით არასრუწლოვნის ბებია დააკავა